पुणे : कोरोनाच्या पहिल्या लाटेच्या तुलनेत दुसऱ्या लाटेत अधिक रुग्ण नोंदवले जात आहेत. दरम्यान, पुणे शहरात एप्रिल महिन्यात दररोज पाच ते सात हजार रुग्णांची वाढ होत होती. यामुळे पुणे शहरासह जिल्ह्यासाठी देखील ही बाब गंभीर होती. यानंतर कोरोना रुग्णांची संख्या झपाट्याने घसरल्यामुळे काहीसा दिलासा मिळाला.
१४ जूनपासून शहरात निर्बंध अधिक शिथिल झाले असून पुणे आता पूर्वपदावर येत आहे. अशातच कोरोनाचा धोका हा पूर्णपणे टळला नसून योग्य खबरदारी घेणं आवश्यक आहे. यामुळे वीकेंड म्हणजेच शनिवार आणि रविवारी पुणे शहरात निर्बंध कायम ठेवण्यात आले आहेत. दरम्यान, आज सलग तिसऱ्या दिवशी नव्या कोरोना रुग्णांच्या आकड्यात वाढ झाली आहे. तर, कोरोनामुक्तांच्या आकड्यात मोठी घट झाली आहे.
शहरात आज नव्याने ३३३ कोरोनाबाधित रुग्णांची नोंद झाली असून पुणे शहरातील एकूण संख्या आता ४ लाख ७६ हजार ८२६ इतकी झाली आहे. तर, १८७ कोरोनाबाधितांना आज डिस्चार्ज देण्यात आला असून पुणे शहरातील एकूण डिस्चार्ज संख्या ४ लाख ६५ हजार ७५६ झाली आहे.
दरम्यान, पुणे शहरात उपचार घेणाऱ्या २ हजार ५१६ रुग्णांपैकी ३२३ रुग्ण गंभीर तर ४६१ रुग्ण ऑक्सिजनद्वारे उपचार घेत आहेत. आज कोरोनाने ५ रुग्णांचा दुर्दैवी मृत्यू झाला आहे.
महत्वाच्या बातम्या
- अजित पवारांच्या सीबीआय चौकशीच्या मागणीनंतर जयंत पाटलांचा भाजपवर पलटवार
- ‘अनुसूचित जातीतील १० वीच्या परीक्षेत ९० टक्के गुण प्राप्त केलेल्या विद्यार्थ्यांना मिळणार २ लाखांचे अनुदान’
- बीडच्या शिवसेनेत जिल्हाप्रमुखांचा बदल, पदाधिकाऱ्यांमध्ये नाराजी
- ‘त्यांचा स्वबळाचा आग्रह ‘शेवटपर्यंत’ टिकला तर राष्ट्रवादी-शिवसेना एकत्रच लढणार’
