रेकॉर्डवरील गुन्हेगार अटकेत

औरंगाबाद : पंधरा दिवसांपुर्वी लुटमार केलेल्या रेकॉर्डवरील गुन्हेगाराला गुन्हे शाखा पोलिसांनी अटक केली. ही कारवाई बुधवारी दुपारी करण्यात आली. विक्की उर्फ हेल्मेट गौतम सोनकांबळे (३०, रा. इच्छामणी हॉटेलजवळ, मुकुंदवाडी) असे गुन्हेगाराचे नाव आहे.

सातारा परिसरातील पेशवेनगर भागात असलेल्या प्रल्हाद महाराज मंदिराच्या शेजारी हेल्मेट व त्याच्या साथीदाराने पंधरा दिवसांपुर्वी एकाला लुटले होते. आज गुन्हे शाखा पोलिसांनी हेल्मेटला ताब्यात घेतले. त्यावेळी त्याने लुटमार केल्याची कबुली दिली. लुटमारीतून आलेली रक्कम नशा करण्यासाठी खर्च केल्याचे सांगत त्याने साथीदाराची माहिती देण्यास टाळाटाळ केली.

त्याला सध्या सातारा पोलिसांच्या ताब्यात देण्यात आले आहे. ही कारवाई सहायक पोलीस आयुक्त रविंद्र साळोखे, पोलीस निरीक्षक अविनाश आघाव यांच्या मार्गदर्शनाखाली पोलीस उपनिरीक्षक अमोल देशमुख, जमादार किरण गावंडे, संजयसिंग राजपूत व बबन ईप्पर यांनी केली.

महत्वाच्या बातम्या

• मुख्यमंत्री ठाकरेंकडून विरार घटनेच्या चौकशीचे आदेश
• ‘विरारसारख्या घटना वारंवार घडताहेत, कठोर पावलं उचलणे गरजेचे’, मंत्री वर्षा गायकवाड यांचे ट्विट
• कोरोना परिस्थितीवर पंतप्रधान मोदींची आज उच्चस्तरीय बैठक
• धक्कादायक बातमी : विरारमध्ये कोव्हिड रुग्णालयाला मध्यरात्री भीषण आग, १३ रुग्णांचा मृत्यू
• ‘हवं तर मी तुमच्या पाया पडतो पण महाराष्ट्राला रेमडेसिवीर आणि ऑक्सिजन द्या!’