उस्मानाबाद: जिल्ह्यातील उत्पदान शुल्क कार्यालयातील भ्रष्ट कारभार उघडकीस आला आहे. बियर शॉपीच्या परवान्याचे नुतनीकरण करण्यासाठी ८ हजार रुपयाची मागणी करून लाच स्विकारल्याप्रकरणी राज्य उत्पादन शुल्क विभागाच्या दुय्यम निरीक्षकासह जवानास अटक करण्यात आली आहे. लाचलुचपत प्रतिबंधक विभागाच्या पथकाने उमरगा येथे सोमवारी सापळा रचून ही कारवाई केली.
तक्रारदार यांची बियर शॉपी असून त्यांनी बियर शॉपीच्या परवण्याचे नूतनीकरण करण्यासाठी शासकीय चलन भरून परवाना नूतनीकरणासाठी राज्य उत्पादन शुल्कच्या उमरगा येथील कार्यालयास भेट दिली होती. तेव्हा तेथील दुय्यम निरीक्षक सुमित सुधाकर फावडे (वय ३१) व जवान शाम किशोर राऊत (वय ३३) यांनी परवाना नुतनीकरण करून देण्यासाठी तक्रारदार यांच्याकडे ८ हजार रुपयाची लाच मागितली होती. याप्रकरणी तक्रारदार यांनी लाचलुचपत प्रतिबंधक विभागाकडे तक्रार दिली होती.
एसीबीच्या पथकाने राज्य उत्पादन शुल्कच्या उमरगा कार्यालयात सोमवारी सापळा रचला होता. दरम्यान, एसीबीच्या पथकाने या राज्य उत्पादन शुल्क कार्यालयातील जवान शाम राऊत यास तक्रारदार यांच्याकडून ८ हजाराची लाच घेताना रंगेहात पकडले. याप्रकरणी उमरगा पोलीस ठाण्यात दुय्यम निरीक्षक फावडे व जवान राऊत यांच्याविरूध्द लाचलुचपत प्रतिबंधक कायद्यान्वये गुन्हा नोंद करण्यात आला आहे. परवाना नुतनीकरणासाठी लाचेची मागणी करून रक्कम स्विकारल्याप्रकरणी एसीबीच्या पथकाने त्या दोघांना ताब्यात घेतले आहे.एसीबीचे पोलीस उपअधीक्षक प्रशांत संपते यांच्या मार्गदर्शनाखाली ही कारवाई करण्यात आली.
महत्वाच्या बातम्या
- एक महिना तीन दिवस झाले तरी राज्य सरकाने स्वतंत्र पुनर्विचार याचिका का दाखल केली नाही?
- ‘पंतप्रधानांचा आदर्श घेऊन महाविकास आघाडीनेही राज्यातील गरिबांना भरघोस मदत करावी’
- उरवडे येथील आगीला जबाबदार कोण ? गृहमंत्री म्हणतात…
- “पीक विमा आमच्या हक्काचा नाही कोणाच्या बापाचा”, परभणीत भाजप तर्फे आंदोलन
- ‘नरेंद्र मोदींची भेट झाली म्हणून आम्ही शांत झालो असा गैरसमज राज्य सरकारने करून घेऊ नये’
बातम्यांसाठी YouTube चॅनेल Subscribe करा
Subscribe Now
