🕒 1 min read
मुंबई – कोरोनाच्या तिसऱ्या लाटेच्या सज्जतेसाठी मुंबई महानगरपालिका प्रशासन सर्व स्तरावर उपाययोजना करीत आहे. त्या पार्श्वभूमीवर नुकतेच शहर उपनगरात ऑक्सिजन प्लांट उभारणीसाठी निविदा काढल्या आहेत. ही निविदा प्रक्रिया प्रशासकीयदृष्ट्या पारदर्शी नसून या सारख्याच प्रकल्पासाठी वसई- विरार महानगरपालिकेने काढलेल्या निविदेपेक्षा बृहन्मुंबई महापालिका दुप्पट अधिक खर्च करत असल्याचे निदर्शनास येत आहे. या प्रकल्पात भ्रष्टाचार होण्याची शक्यता असल्याने त्याची सखोल चौकशी महानगरपालिका आयुक्तांनी करावी अशी मागणी भारतीय जनता पक्षनेता विनोद मिश्रा यांनी पत्रकार परिषदेत केली आहे.
ऑक्सिजन प्लांट उभारणीसाठी सर्व पातळ्यावर स्थानिक प्रशासनाकडून प्रयत्न होत आहे. त्याचाच भाग म्हणून वसई- विरार महानगरपालिकेनेही निविदा प्रक्रिया काढल्या आहेत. यातील टेक्नोमेट निविदाकाराचा दर हे मुंबई महानगरपालिका प्रशासनातील निविदा प्रक्रियेतील दरांच्या तुलनेत कमी आहे. त्याच ऑक्सिजन प्लांट उभारणी प्रकल्पाकरिता मुंबई महानगरपालिका प्रशासनाने दुप्पट अधिक खर्च करत असल्याची धक्कादायक बाब समोर आली आहे. त्यामुळे पुन्हा एकदा मुंबई महानगरपालिका प्रशासनाचा भोंगळ कारभार उघडकीस आला आहे असे भाजपने म्हटले आहे.
आॅक्सिजन निर्मिती तातडीने युद्धपातळीवर करणे आवश्यक आहे म्हणूनच यावर तातडीने चौकशी व कार्यवाही करावी जेणेकरुन योग्य दरास आणि दर्जात्मक आॅक्सिजन पुरवठा मुंबईकरांस त्वरित झाला पाहिजे असे गटनेते प्रभाकर शिंदे यांनी म्हटले आहे.
महत्वाच्या बातम्या
- इच्छाशक्ती समोर कोरोनाही झुकतो; डॉक्टरांनीही आशा सोडलेल्या ९३ वर्षीय आजोबांनी जिंकून दाखवलं !
- दु:खद! मेजर ध्यानचंद यांचे पुत्र बृजमोहन यांचे निधन, महिन्याभरापुर्वीच झाले होते कोरोनामुक्त
- नवाब मलिक जरा कमी बोलले तर अडचणी कमी होतील, दरेकरांचा टोला
- एबी डिव्हीलीयर्स नंतर ‘हा’ दिग्गज खेळाडूही टी-२० विश्वचषकात करु शकतो पुनरागमन
- …तर ३ आठवड्यात मुंबईकरांचे लसीकरण करू ; आदित्य ठाकरेंचा दावा
