कोरोनाचा परिणाम! अनेकांनी ‘ऑक्सिजन’ नावाच्या कंपनीत गुंतवले पैसे, नंतर कळाले ही तर..

🕒 1 min read

मुंबई : कोरोनाच्या संकटात सर्वात जास्त चांदी कोणाची होत असेल तर ती म्हणजे फार्मा कंपन्यांची. कधी नव्हे ते औषधी कंपन्यांना सुगीचे दिवसं आलेत. उत्पादने तर विकतच आहेत. शिवाय त्यांच्या कंपन्यांवर शेअर बाजारात चांगला दबदबा निर्माण केलाय. याचा फायदा गुंतवणूकदारही घेत आहेत. अनेकांनी शेअर बाजारात ऑक्सिजन नाव असलेल्या कंपन्यांत गुंतवणूक सुरू केली आहे. इतकेच नव्हे तर कंपनीचा ऑक्सिजनशी काही संबंध आहे की नाही, हेही न पाहता गुंतवणूकदार पैसे गुंतवत आहेत.

मात्र, खातरजमा न करता केवळ नावावरून पैसे गुंतवणे किती महागात पडू शकते याचे उदाहरण समोर आले आहे. बाजारपेठेत ऑक्सिजनची मागणी पाहता बॉम्बे ऑक्सिजन इन्व्हेस्टमेंट लिमिटेड या कंपनीत अनेकांनी पैसे गुंतवले. सोमवारी बाजार उघडताच या कंपनीचा शेअर बीएसईच्या अपर सर्किटची मर्यादा २४,५७४.८५ रुपयांवर पोहोचला. पण दुसऱ्याच दिवशी गुंतवणूकदारांना कंपनीचे ऑक्सिजन निर्मितीच्या व्यवसायाशी काहीही देणेघेणे नसल्याचे समजले.

यानंतर कंपनीच्या शेअर्सनी बुडी मरली. शेवटी लोअर सर्किट लागून शेअर २३,३४६.१५ रुपयांवर आला. हा शेअर बीएसईच्या देखरेखीत असल्याने त्यात कमाल नफा वा नुकसानीची मर्यादा ५ टक्के आहे. महिनाभराच्या आतच ५२ आठवड्यांचा उच्चांक नोंदवत शेअर १३३ टक्के वधारला. बॉम्बे ऑक्सिजनच्या शेअरमध्ये गेल्या काही दिवसांत उसळी आली आहे. त्याचे मूल्य मार्चअखेरीच्या १० हजार रुपयांवरून दुप्पट झाले आहे.

फक्त याच कंपनीच्या बाबतीत लोकांचा अंदाज चुकला असे नाहीये. नावात मागेपुढे ऑक्सिजन शब्द असलेल्या अनेक कंपन्या आहेत. त्या औद्योगिक वायुंचे उत्पादन करतात. सध्या नॅशनल ऑक्सिजन लिमिटेड, भगवती ऑक्सिजन लिमिटेड आणि गगन गॅसेससह अनेक कंपन्यांच्या नफ्यात उसळी आली आहे. त्यामुळे तुम्ही जर गुंतवणूक करत असाल तर नावावर न जाता जास्तीची माहिती घेऊन पैसे गुंतवा.

महत्वाच्या बातम्या

• हवेतून ऑक्सिजन निर्मिती प्रकल्प मंजूर, आ.चंद्रकांत पाटलांच्या प्रयत्नांना यश
• कोरोनाच्या लढ्यात भाजपकडून राजकारणाला महत्त्व-प्रकाश आंबेडकर
• ‘फडणवीस, चंद्रकांत पाटलांवर मनुष्यवधाचा गुन्हा दाखल करा’
• ‘विकास दर टिकवण्यासाठी उद्योग आणि सरकारमध्ये पूर्ण विश्वास हवा’
• घटना दुर्देवी! यापुढे असे घडणार नाही याची काळजी घ्यावी-रामदास आठवले