नवी दिल्ली : दक्षिणपूर्व आशिया आणि युरोपीय देशांमध्ये कोरोना विषाणूचा प्रादुर्भाव वाढत आहे. याच पार्श्वभूमीवर केंद्रीय आरोग्य मंत्री डॉ. मनसुख मांडविया (Dr Mansukh Mandaviya) यांनी बुधवारी (१६ मार्च) उच्चस्तरीय बैठक घेतली आहे. दरम्यान, कोरोनाच्या पार्श्वभूमीवर मांडविया यांनी अलर्ट जारी केला असून सर्वच स्थरावर कोरोना नियमांचे काटेकोर पालन होईल यासंदर्भात आरोग्य खात्यातील अधिकाऱ्यांना सूचना देण्यात आल्याची माहिती समोर आली आहे.
या बैठकीत दक्षता, आक्रमक जीनोम सिक्वेन्सिंग आणि परिस्थितीवर बारीक लक्ष ठेवण्याच्या सूचना देण्यात आल्या असून कोविड-19 लसीकरण कार्यक्रम आणि २७ मार्चपासून आंतरराष्ट्रीय प्रवासी उड्डाणे पुन्हा सुरू करण्यासंदर्भातही मांडविया यांनी आढावा घेतला. चीन, सिंगापूर, हाँगकाँग, व्हिएतनाम आणि काही युरोपीय देशांमध्ये कोरोनाच्या रूग्णांमध्ये वाढ असल्याने केंद्रीय आरोग्यमंत्र्यांनी ही बैठक घेतली.
दरम्यान, या बैठकीला नीती आयोगाचे डॉ. व्हीके पॉल, एम्सचे संचालक डॉ. रणदीप गुलेरिया आणि आरोग्य सचिव उपस्थित होते. तसेच भारतामध्ये काल कोरोनाच्या २,८७६ नव्या रुग्णांची नोंद झाली असून देशातील एकूण सक्रीय कोरोना रुग्ण ३२,८११ आहेत. अद्याप भारतामधील कोरोनाची साथ अटोक्यात असली तर भविष्यात ती वाढू नये या अनुषंगाने बैठकीत चर्चा झाली.
महत्वाच्या बातम्या:
- “विदर्भाचा बॅकलॉग भरून काढण्याची संधी भाजपने गमावली”- नाना पटोले
- बाबर आझमने रचला इतिहास; डॉन ब्रॅडमन , कोहलीलाही मागे सोडले!
- “सगळ्यांचं पीठ होणार हे नक्की”- चंद्रकांत पाटील
- “काश्मीरची खरी फाईल बाळासाहेब ठाकरेंना माहिती, नुसतं टॅक्स-फ्री…”, संजय राऊतांची टीका
- वीज जोडणीची अंमलबजावणी सुरु; महावितरणच्या कंपन्यांना ‘स्टॉप’ चा आदेश जारी!
