पणजी : देशात कोरोना रुग्णांची संख्या वाढत आहेत. अनेक राज्यांनी यामुळे कडक निर्बंध लागू केलेत. महाराष्ट्रात १ मेपर्यंत लॉकडाऊन जाहीर करण्यात आलाय. हा कालावधी आणखी १५ दिवसांनी वाढू शकतो अशी शक्यता आहेत. तर दुसरीकडे वाढत्या रुग्णसंख्येमुळे गोवा सरकारने राज्यात लॉकडाउन लागू करण्याची घोषणा केलीय.
Lockdown announced in state from 29th April 7 pm to the morning of 3rd May. Essential services & industrial activities allowed, public transport to remain shut. Casinos, hotels, pubs remain closed. Borders to remain open for essential service transportation: Goa CM Pramod Sawant pic.twitter.com/PXaUfT5tkG
— ANI (@ANI) April 28, 2021
पत्रकार परिषदेत राज्याचे मुख्यमंत्री प्रमोद सावंत यांनी ही माहिती दिली आहे. उद्या, २९ एप्रिल रोजी संध्याकाळी ७ वाजल्यापासून ३ मे रोजी सकाळपर्यंत हा लॉकडाउन लागू असेल. यामध्ये अत्यावश्यक सेवा आणि औद्योगिक व्यवहारांना परवानगी देण्यात आली आहे. पण सार्वजनिक वाहतूक पूर्णपणे बंद ठेवण्यात येणार आहे. गोव्यातील कसिनो, हॉटेल, पब हे देखील लॉकडाउन दरम्यान बंदच ठेवण्यात येणार आहेत. त्यासोबतच गोव्याच्या सीमारेषा अत्यावश्यक सेवांसाठीच सुरू ठेवल्या जातील, असं देखील गोवा सरकारकडून स्पष्ट करण्यात आलं आहे.
लॉकडाऊन काळात मुख्य आकर्षण असलेले गोव्यातील सर्व कसिनो आणि बार बंद राहणार आहेत. शिवाय, फक्त होम डिलीव्हरीसाठी रेस्टॉरंट सुरू राहतील. रेस्टॉरंट आणि हॉटेल्समध्ये जेवण्यास बंदी असेल. राज्यात कुठेही अत्यावश्यक सेवांच्या व्यवहारांसाठी किंवा कामांसाठी बंदी नसेल. लॉकडाऊनच्या काळात म्हणजेच ३ मे रोजी सकाळपर्यंत पर्यटकांना आपापल्या वास्तव्याच्या ठिकाणीच राहण्याचे निर्देश देण्यात आले आहेत.
महत्वाच्या बातम्या
- ‘रिपोर्ट निगेटिव्ह दाखवा मगच मतमोजणी केंद्रावर जा’, निवडणूक आयोगाचा आदेश
- योगी ‘राज’! आजोबांना ऑक्सिजनची गरज असल्याचे ट्विट केल्याबद्दल युवकावर गुन्हा
- ‘आगार व्यवस्थापकांवर सदोष मनुष्यवधाचा गुन्हा दाखल करा’
- ‘महात्मा फुले योजनेतंर्गत मोफत कोरोना उपचार देणे ही राज्याची जबाबदारी’, हायकोर्टाचे आदेश
- ‘बारामतीकरांकडून उजनीचे पाणी चोरण्याचा घाट’, खा.निंबाळकरांचा आरोप
