विद्यार्थी आंदोलनाचा पोलिसांना फटका, बंदोबस्ताला असणाऱ्या ५ पोलिसांना कोरोनाची लागण

🕒 1 min read

पुणे : एमपीएसची परीक्षा पुढे ढकल्यानंतर पुण्यात विद्यार्थ्यांनी आंदोलन केलं होतं. पुण्यातील एमपीएससी विद्यार्थ्यांचं आंदोलन प्रकरण चांगलच गाजलं होतं. याबाबत एक मोठी बातमी समोर येत आहे. आंदोलनामुळे कोरोनाचा फैलाव झाल्याचा संशय व्यक्त केला जात आहे. या आंदोलनावेळी बंदोबस्ताला असलेल्या ५ पोलिसांना कोरोनाची लागण झाली आहे. त्यामुळे प्रशासनाची चिंता आणखी वाढली आहे.

एमपीएससीची परीक्षा पुढे ढकलल्यानंतर पुण्यात विद्यार्थी मोठ्या संख्येने रस्त्यावर उतरले होते. यावेळी मोठे आंदोलन विद्यार्थ्यांनी केलं होतं. तब्बल आठ तास पुण्यातील प्रमुख असलेला लाल बहादूर शास्त्री रस्ता विद्यार्थ्यांनी अडवून ठेवला होता. त्यानंतर या आंदोलनावर नियंत्रण मिळवण्यासाठी मोठ्या संख्येने पोलीस बंदोबस्तही तैनात करण्यात आला होता. या आंदोलनादरम्यान कोरोनाच्या नियमांचे उल्लंघन झाले होते.

त्याचाच परिणाम म्हणून पुणे पोलीस दलातील तब्बल पाच कर्मचारी कोरोनाबाधित झाले आहे. यातील तिघे जण हे वरिष्ठ अधिकारी आहेत. आंदोलन संपल्यानंतर या पोलीस कर्मचाऱ्यांना कोरोनाची सौम्य लक्षणे जाणवू लागली होती. त्यानंतर त्यांनी कोरोना चाचणी केली असता हे पाचही पोलीस कोरोनाबाधित असल्याचे निष्पन्न झाले आहेत.

महत्वाच्या बातम्या 

• तिसऱ्या टी-२० सामन्यात सुर्यकुमारसाठी कोहली बलीदान करेल का?
• आज भारत-इंग्लंड तिसरा टी-20 सामना ; नव्या खेळाडूंवर सर्वांच्या नजरा
• आज इंग्लंडविरुद्ध तिसरी लढत रंगणार ; हिटमॅन रोहित शर्माचं पुनरागमन
• ‘एक सर्वपक्षीय शिष्टमंडळ कर्नाटकचे मुख्यमंत्री व देशाच्या पंतप्रधानांकडे घेऊन जाच’
• ‘मोठे शौर्य गाजविले या भ्रमात त्या कानडी संघटनांनी राहू नये’