पैठण : चारशे वर्षांचा इतिहास असलेल्या नाथयात्रा उत्सवावर कोरोना संसर्गामुळे विरजन पडले असून सलग दुसर्या वर्षी पारंपरिक सोहळा रद्द करण्यात आला होता. मात्र, महाराष्ट्रातील इतर देवस्थानच्या धर्तीवर पैठण येथील उत्सवाला परवानगी देण्याची मागणी नाथवंशजांनी लावून धरली. त्यामुळे शेवटी तालुका प्रशासनाने २० मानकरींच्या उपस्थितीत नाथ सोहळ्याला परवानगी दिल्याने नाथ उत्सवाचा मार्ग मोकळा झाला.
तुकाराम बीजेपासून प्रारंभ होणार्या नाथ उत्सवाला वीस मानकर्यांना परवानगी देण्यात आली आहे. याबाबत गुरुवारी (दि. २५) रोजी संध्याकाळी प्रभारी तहसीलदार निलावड यांच्या दालनात उपविभागीय अधिकारी स्वप्नील मोरे, उपविभागीय पोलीस अधिकारी गोरख भामरे, प्रभारी तहसीलदार दत्तात्रय निलावड, पो. नि. किशोर पवार तसेच नाथवंशज रावसाहेब गोसावी, रघुनाथ बुवा पालखीवाले, हरीपंडित गोसावी, योगेश महाराज पालकीवाले यांच्यात संयुक्त बैठक पार पडली.
यावेळी पंढरपूर, देहु ,आळंदी देवस्थानच्या धर्तीवर २० मानकर्यांच्या उपस्थितीत धार्मिक विधी करण्यास तसेच पारंपरिक नाथ सोहळ्यास परवानगी देण्याची मागणी नाथ वंशजांनी केली. उपविभागीय अधिकारी स्वप्नील मोरे यांनी ही मागणी मान्य करीत उपस्थितांनाकोरोनाचे सर्व नियमांची काटेकोरपणे अंमलबजावणी करण्याचे निर्देश यावेळी दिले. तसेच परवानगी पेक्षा अधिक वारकरी किंवा मानकरी जमा झाल्यास कायदेशीर कारवाई करण्याचा इशारा यावेळी मोरे यांनी दिला आहे.
महत्त्वाच्या बातम्या
- कलारसास्वाद विषय वैकल्पिक न ठेवता पूर्वरत करावा, कला शिक्षकांची मुख्यमंत्र्यांकडे मागणी
- ना शिक्का, ना पोस्टर…रुग्ण फिरताहेत बिनघोर!
- ना शिक्का, ना पोस्टर…रुग्ण फिरताहेत बिनघोर!
- शेतकऱ्यांची भारत बंदची हाक, मात्र पंतप्रधान विदेश वारीत व्यस्थ – नाना पटोले
- शहरातील रस्त्यांची कामे मे अखेरपर्यंत पूर्ण करा, पालकमंत्र्यांनी टोचले मनपाचे कान
बातम्यांसाठी YouTube चॅनेल Subscribe करा
Subscribe Now
