कोरोना अलर्ट! जालना; ८६४ नवे रुग्ण, सात जणांचा मृत्यू

जालना: कोरोनाचा कहर वाढत चालला आहे. या आजाराचा आता जिल्हाभरात फैलाव झाल्याचे दिसते आहे. त्यामुळे जिल्हा शासकीय रुग्णालयासह खासगी दवाखानेही फुल्ल झाली आहेत. त्यातच मंगळवारी चोवीस तासांत ८६४ रुग्णांची भर पडली आहे. आजपर्यंतचा हा उच्चांक ठरला आहे. तर दिवसभरात सात कोरोनाबाधितांचा मृत्यू झाल्याने प्रशासनाच्या चिंतेत वाढ झाली आहे.

ॲक्टिव्ह रुग्णांची संख्याही ६४७६ पर्यंत पोहोचली आहे. आज दिवसभरात ५७२ रुग्णांना डिस्चार्ज देण्यात आला. कोरोनाबाधितांमध्येही गेल्या चोवीस तासांत ८६४ नव्या रुग्णांची भर पडली असून त्यात जालना शहरातील २३५ रुग्णांचा समावेश आहे. दररोज वाढत जाणाऱ्या मृत्यूमुळे प्रशासनासह आता लोकांमध्येही धास्ती पसरली आहे.

जिल्ह्यात विशेष करून शहरात कोरोनाची परिस्थिती बिकट बनली आहे. कोरोनाबाधितांचा एकूण आकडा आता ३३९८२ पर्यंत पोहोचला आहे. चोवीस तासांतील सात जणांच्या बळीने कोरोनाबळींची एकूण संख्या ५८३ पर्यंत गेली आहे. आज दिवसभरात ५७२ बाधितांवर यशस्वी उपचार केल्यानंतर त्यांना रुग्णालयातून डिस्चार्ज देण्यात आला. यासह एकूण २६ हजार ९२३ रुग्णांनी कोरोनावर मात केली आहे.

महत्वाच्या बातम्या

• जालना; सकाळी उघडलेली बाजारपेठ पोलीस येताच बंद!
• ‘या’ कारणामुळे झाला कोलकाता नाइट रायडर्सचा पराभव
• आखेरच्या चार षटकात बदलले सामन्याचे चित्र; मुंबईच्या गोलंदाजानी लढवली खिंड
• पहिल्या विजयानंतर मुंबई इंडियन्सची गुणतालीकेत भरारी; केकेआरची झाली घसरण
• मुंबई इंडियन्सने उभारली विजयाची गुढी ; केकेआरचा १० धावांनी केला पराभव