आ. प्रदीप जैस्वाल यांना दिलासा! ‘त्या’ शिक्षेविरोधात जामीन मंजूर

🕒 1 min read

औरंगाबाद : शिवसेनेच्या कार्यकर्त्यांना अटक केल्याच्या प्रकरणात त्यांना सोडून देण्याच्या मागणीसाठी क्रांती चौक पोलिस ठाण्यात गोंधळ घातल्याप्रकरणी तत्कालीन माजी खासदार व विद्यमान आमदार प्रदीप जैस्वाल यांना सत्र न्यायालयाने ६ महिन्यांची शिक्षा सुनावली होती. दरम्यान जैस्वाल यांनी जामिनासाठी खंडपीठात धाव घेतली असता, न्यायमूर्ती आर. जी. अवचट यांच्या पीठाने १५ हजार रुपयांच्या जातमुचलक्यासह अटी शर्तींवर नियमित जामिन मंजूर केला.

शहरात निर्माण झालेल्या दंगलसदृश परिस्थितीत क्रांती चौक पोलिसांनी गांधीनगर भागातील दोन शिवसैनिकांना अटक केली होती. त्यावेळी २० मे २०१८ रोजी रात्री अकरा वाजता प्रदीप जैस्वाल पोलिस ठाण्यात आले. त्यांनी पोलिसांना जाब विचारला. शिवसेनेच्या कार्यकर्त्यांना विनाकारण अटक केली, त्यांना तत्काळ जामिनावर सोडा, अशी मागणी करीत जैस्वाल यांनी गोंधळ घालत टेबलावरील काचा फोडत, खुर्च्यांची फेकाफेकी केली होती.

या प्रकरणात सुनावणीअंती सत्र न्यायालयाने कलम ३५३ अन्वये सहा महिन्यांची शिक्षा व अडीच हजार रुपये दंड आणि कलम ५०६ अन्वये सहा महिने व अडीच हजार रुपये अशी शिक्षा सुनावली होती. या प्रकरणात जैस्वाल यांनी ज्येष्ठ विधिज्ञ राजेंद्र देशमुख यांच्यामार्फत खंडपीठात जामिनासाठी अर्ज सादर केला असता, खंडपीठाने १५ हजार रुपयांच्या जातमुचलक्यासह अटीशर्तींवर नियमित मंजूर केला. विधिज्ञ देशमुख यांना अॅड. देवांग देशमुख आणि अॅड. गोविंद कुलकर्णी यांनी सहकार्य केले.

महत्वाच्या बातम्या

• इंग्लंड दौऱ्याआधी पाकिस्तान संघाला मोठा धक्का, ‘या’ खेळाडूने दिला राजिनामा
• साऊथॅम्प्टन शमीसाठी खास ; ‘या’ कामगिरीची केली पुनरावृत्त्ती
• जितेंद्र आव्हाडांना ठाकरेंचा ‘दे धक्का!’, टाटा रुग्णालयाला सदनिका देण्याच्या निर्णयाला स्थगिती
• डेल्टा व्हेरिएंटचा धोका! ‘तत्काळ उपाययोजना करा’, केंद्राचा महाराष्ट्रासह तीन राज्यांना इशारा
• आता राष्ट्रवादी आणि शिवसेना मिळून नगरमध्ये भाजपचा ‘करेक्ट कार्यक्रम’ करणार