🕒 1 min read
पिंपरी-चिंचवड : भाजपची एकहाती सत्ता असलेल्या पिंपरी चिंचवड महापालिकेत लाच लुचपत प्रतिबंधक विभागाच्या पथकाने कारवाई केल्याने खळबळ उडाली आहे. 9 लाख रुपयांच्या लाच प्रकरणात पिंपरी-चिंचवड महानगरपालिकेतील सत्ताधारी भाजपचे स्थायी समितीचे अध्यक्ष नितीन लांडगे यांच्यावर कारवाई करण्यात आली आहे.
पिंपरी चिंचवड महापालिकेकडून कामाचे टेंडर मंजूर झाले होते. त्याची वर्क ऑर्डर काढण्यासाठी एका ठेकेदाराकडे स्थायी समिती अध्यक्षांच्या नावाने नऊ लाखांची लाच मागितली. याप्रकरणी लाचलुचपत प्रतिबंधक विभागाने (एसीबी) सापळा लावून कारवाई करत स्थायी समिती अध्यक्ष, त्यांचे स्वीय सहाय्यक आणि दोन लिपिकांना ताब्यात घेतले आहे. ही कारवाई बुधवारी (दि. 18) पिंपरी चिंचवड महापालिकेत करण्यात आली.
यावरून राष्ट्रवादी काँग्रेस आणि काँग्रेसने भाजपवर टीकास्त्र सोडलं आहे. ‘भाजपच्या अखत्यारीत असलेल्या स्थानिक स्वराज्य संस्थांमध्ये लोकप्रतिनिधी आणि प्रशासन हे संगनमताने भ्रष्टाचार करत आहेत. त्याचाच हा परिपाक आहे. ‘ना खाऊंगा, ना खाने दूंगा’ हे पंतप्रधान नरेंद्र मोदी यांचे धोरण आहे. मात्र आता हे धोरण पाळत असल्याचे भाजप प्रदेश आणि स्थानिक पदाधिकाऱ्यांनी सिद्ध करावे,’ असं आव्हान पिंपरी-चिंचवड शहर जिल्हा काँग्रेस अध्यक्ष सचिन साठे यांनी दिलं आहे. यासोबतच, भाजपच्या सत्तेतील साडेचार वर्षातील आर्थिक देवाणघेवाणीची नि:पक्षपातीपणे चौकशी करण्यात यावी अशी मागणी देखील त्यांनी केली आहे.
महत्त्वाच्या बातम्या
- ‘मला हवं तेव्हा ईडीला सामोरं जाईन’; अनिल देशमुखांचं स्पष्टीकरण
- मोदींच्या कार्यकाळात एकही भ्रष्ट्राचाराची केस समोर आली नाही, अर्थ राज्यमंत्र्यांचा दावा
- औरंगाबाद जिल्ह्यात एकूण ७ हजाराहून अधिक विद्यार्थ्यांचे आयटीआयला प्राधान्य!
- ‘मुख्यमंत्री हे संकटमोचक, अनेक संकटे येऊनही ते उत्कृष्ट काम करतायत’
- ‘मोदी सरकारच्या दबावातून काही जण महावसुली म्हणत बोंबलत आहेत, पण..’
बातम्यांसाठी YouTube चॅनेल Subscribe करा
Subscribe Now
