“पंकजा मुंडेंना दुर्लक्षित करणे हा पण त्याच रणनीतीचा…”, ‘राष्ट्रवादी’चा फडणवीसांना टोला

🕒 1 min read

मुंबई: राज्यसभेच्या राज्यातील सहा जागांसाठी झालेल्या निवडणुकीत राष्ट्रवादीचे उमेदवार प्रफुल्ल पटेल यांना पहिल्या पसंतीची 43, शिवसेनेचे  संजय राऊत यांना 41, काँग्रेसचे इम्रान प्रतापगढी यांना 44, तर भाजपचे उमेदवार अनिल बोंडे आणि पीयूष गोयल यांना पहिल्या पसंतीची अनुक्रमे 48 मतं मिळाली आहेत. तर शिवसेनेने सहाव्या जागेसाठी निश्चित केलेले कोल्हापूरचे संजय पवार पराभूत झाले तर भाजपचे धनंजय महाडिक विजयी झाले आहे. यानंतर देवेंद्र फडणवीस यांना भाजपने ‘चाणक्य’ ची उपमा देत त्यांना विजयाचे श्रेय दिले. यावरूनच राष्ट्रवादीचे नेते क्लाईड क्रास्टो यांनी ट्वीट करत टोला लगावला आहे.

“भाजप देवेंद्र फडणवीस यांना ‘चाणक्य’ ची उपमा देत आहे. त्यांचे म्हणणे आहे की, महाराष्ट्र भाजपची रणनीती तेच ठरवत आहेत. तर मग पंकजा मुंडे ताई यांना दुर्लक्षित करणे हा पण त्याच रणनीतीचा भाग आहे हे गृहीत धरायचे का?”, असा सवाल क्लाईड क्रास्टो यांनी ट्वीट करत केला आहे.

भाजप देवेंद्र फडणवीस जी यांना 'चाणक्य' ची उपमा देत आहे. त्यांचे म्हणणे आहे की महाराष्ट्र भाजपची रणनीती तेच ठरवत आहेत.
तर मग पंकजा मुंडे ताई यांना दुर्लक्षित करणे हे हा पण त्याच रणनीतीचा भाग आहे हे गृहीत धरायचे का ?#DevendraFadnavis #BJP@Pankajamunde #PankajaMunde

— Clyde Crasto – क्लाईड क्रास्टो ???????? (@Clyde_Crasto) June 12, 2022

दरम्यान राज्याच्या आगामी विधानपरिषद निवडणुकांसाठी भाजपकडून पाच नावांची घोषणा झाली आहे. यामध्ये विधानपरिषद विरोधीपक्षनेते प्रवीण दरेकर, माजी मंत्री राम शिंदे, भाजप महाराष्ट्र राज्य सरचिटणीस संघटक श्रीकांत भारतीय, भाजप महिला मोर्चा अध्यक्षा उमा खापरे आणि भाजप नेते प्रसाद लाड या पाच नावांची घोषणा करण्यात आली आहे. यात विशेष बाब म्हणजे घटक पक्षाचे शिवसंग्रामचे अध्यक्ष विनायक मेटे यांना डावलण्यात आले आहे. भाजप नेत्या व माजी मंत्री पंकजा मुंडे, सदाभाऊ खोत यांना देखील भाजपने नारळ दिला.

महत्वाच्या बातम्या: 

• दोन दिवस आमच्या हातात ईडी द्या, फडणवीससुद्धा शिवसेनेला मतदान करतील – संजय राऊत
• “महाडिकांच्या जागी संभाजीराजेंना उमेदवार बनवून का विजयी केले नाही?”, संजय राऊतांचा भाजपला सवाल
• IND vs SA : आज रंगणार दुसरी टी-२० मॅच..! पराभवाचा वचपा काढण्यासाठी टीम इंडिया सज्ज
• “पैगंबरांचा अपमान करणाऱ्या नूपुर शर्माना फडणवीस फोन करून…”, संजय राऊतांचा टोला
• राज्यसभा आणि विधान परिषदा मिळून किती कोटींचा धूर निघाला?; सामना ‘रोखठोक’ मधून संजय राऊतांचा सवाल