‘मोदींच्या हत्येच्या कटाला राहुल गांधींची सहमती?’; चित्रा वाघ यांचा सवाल

🕒 1 min read

मुंबई: कॉंग्रेस प्रदेशाध्यक्ष नाना पटोले (Nana Patole) यांनी केलेल्या वादग्रस्त विधानानंतर राज्यातील राजकीय वातावरण चांगलेच ढवळून निघाले आहे. मी मोदीला मारू शकतो, शिव्या देऊ शकतो, असं वक्तव्यं नाना पटोले यांनी केलं होतं. मात्र हे मोदी म्हणजे एक गावगुंड असल्याचे स्पष्टीकरण पटोले यांनी दिले असले तरी देखील आता भाजप आक्रमक झाली असून नाना पटोले तसेच कॉंग्रेसवर जोरदार टीका सुरू केली आहे.

भाजप (BJP) पक्षाच्या नेत्यांकडून टीका तर होत आहेच मात्र त्याच सोबत आता नाना पटोले यांना धमक्या देखील दिल्या जात आहेत. भाजप नेते अनिल बोंडे यांनी तर नाना पटोले यांचा पंजा छाटण्याची धमकी दिली आहे. तसेच भाजप युवा मोर्चाने नाना पटोले यांची जीभ छटणाऱ्याला एक लाखाचे बक्षिस दिले जाईल, अशी जाहीर धमकीच देण्यात आली आहे.

नाना पटोलेंच्या वक्तव्यावर काँग्रेस नेतृत्व गप्प का?@narendramodi यांना मारण्याच्या कटात राहुल गांधीची मूक संमती आहे का?#BJP कार्यकर्त्यांना ताब्यात घेणा-या #MVA पोलिसांवर आमचा विश्वास नाही

पंजाबमध्ये फसलेला कट महाराष्ट्रात शिजतोय का?
याचा तपास केंद्रीय एजन्सी मार्फत करावा

— Chitra Kishor Wagh (@ChitraKWagh) January 18, 2022

अशातच आता भाजप नेत्या चित्रा वाघ (Chitra Wagh) यांनी देखील कॉंग्रेसवर टीका केली आहे. नाना पटोले यांच्या वक्तव्यावर काँग्रेस हायकमांड गप्प का आहे? पंतप्रधान नरेंद्र मोदी यांच्या हत्येच्या कटासाठी राहुल गांधी (Rahul Gandhi) यांची सहमती आहे काय? पंजाबमध्ये फेल झालेला कट महाराष्ट्रात शिजतोय का? आमचा महाविकास आघाडी सरकारच्या पोलिसांवर विश्वास नाही. या प्रकरणाचा तपास केंद्रीय यंत्रणांकडे दिला जावा, अशी मागणी चित्रा वाघ यांनी ट्विटरद्वारे केली आहे.

महत्वाच्या बातम्या:

• अक्षयचा ‘बच्चन पांडे’ चित्रपट होणार चित्रपटगृहांमध्ये प्रदर्शित; जाणून घ्या तारीख

• ‘नाना पटोलेंची जीभ छाटा १ लाख मिळवा’; भाजप नेत्याने दिली धमकी

• ‘फडणवीसांना काही बरे-वाईट झाले तर…’; चंद्रकांत पाटलांचा मलिकांवर निशाणा

• ठाण्यात शिवसेना-राष्ट्रवादीत जुंपली; जितेंद्र आव्हाड म्हणतात…

• धनुष-ऐश्वर्या विभक्त होताच राम गोपाल वर्माचे अजब वक्तव्य म्हणे, ‘घटस्फोट सेलिब्रेट करा’