‘छत्रपती शिवरायांचा आदर्श घेऊन मुलांनी तानाजी मालुसरे बनले पाहिजे’

पुणे : राज्यपाल भगतसिंह कोश्यारी तीन दिवसांच्या पुणे दौऱ्यावर आहेत. या दौऱ्यादरम्यान त्यांनी आज पुण्यातील सिंहगडाला भेट दिली. सिंहगडावर राहणाऱ्या नागरिकांनी राज्यपाल येणाऱ्या मार्गावर रांगोळ्या काढून तर एका ठिकाणी काही महिलांनी त्यांची आरती ओवाळून स्वागत केले. यावेळी ‘कसे आहात तुम्ही, आमच्या उत्तराखंडमध्ये देखील असेच गड आहे. तुम्ही एकदा या तिकडे…’ अशा शब्दात नागरिकांची विचारपूस केली. वयाच्या ८० व्या वर्षी राज्यपाल चालत सिंहगडावर पोहोचले हे विशेष. सिंहगडावरील तानाजी मालुसरे यांच्या समाधीचे यावेळी राज्यपालांनी दर्शन घेतलं

यावेळी माध्यमांशी संवाद साधताना राज्यपालांनी मुलांना छत्रपती शिवाजी महाराजांचा आदर्श घ्यावा असे आवाहन केले. ‘माझ्या राजकीय जीवनात छत्रपती शिवाजी महाराज एका नवीन अवतारात आले. युक्ती, बुद्धी, शक्तीच गुणगान इतिहासकारांनी केलं आहे. युक्ती बुद्धी शक्तीने राज्य केलं. शिवाजी महाराज हे हिंदुस्थानचे आहे. तानाजी मालुसरे यांचा इतिहास मुलांना समजला पाहिजे, तो शिक्षणात आला पाहिजे. आपली मुले तानाजी मालुसरे बनले पाहिजेत असे राज्यपाल म्हणाले.

‘मी तानाजी मालुसरे, शिवाजी महाराज, बाजी प्रभू देशपांडे या सगळ्यांविषयी ५० वर्षांपूर्वी वाचलं आहे, जेवढं तुम्ही देखील वाचलं नसेल. कारण शिवाजी हे आपल्या देशाचा अभिमान आहेत, स्वाभिमान आहेत’, असे ते पत्रकारांना उद्देशून म्हणाले. ‘शिवाजी महाराज हे आपल्या देशाचे नायक आहेत. देशातील मुलांना सुरुवातीपासूनच शिवाजी महाराजांविषयी, तानाजी मालुसरेंविषयी शिकवल जायला हवे. असे झाले, तर आपल्या देशातील मुले देखील तानाजी मालुसरे होऊ शकतील, शिवाजी होऊ शकतील’, असा विश्वास त्यांनी व्यक्त केला.

महत्त्वाच्या बातम्या

• राष्ट्रवादीच्या मेहबूब शेख यांची ‘धूम!’ नियमांची ऐशीतैशी करत ठाकरे सरकारला दाखवला ठेंगा
• ‘त्या’ घोषणेमुळे पंकजा मुंडे यांना राग अनावर, त्यांच्याच समर्थकांना म्हणाल्या, ‘मुर्ख कुठले!’
• सुष्मिता देव यांनी राजीनाम्याच्या निर्णयावर पुनर्विचार करावा’ काँग्रेसची भूमिका
• ‘भावनाताई, चोरी झालेली ७ कोटींची कॅश कोठून आली?’, किरीट सोमय्यांचा सवाल
• हर्षवर्धन पाटलांच्या कन्या अंकिता यांनी घेतली राज्यपालांची भेट, केली ‘ही’ मागणी