मुंबई : राज्यात आणि विशेषतः मुंबईत खंडणी वसुलीची प्रकाराने नेहमीच समोर येत असतात मात्र आता चक्क बाळासाहेबांचा फोटो लावून शिवसेनेकडून खंडणी वसूल करत असल्याचा आरोप मनसे नेते संदीप देशपांडे यांनी केला आहे. मुंबईत त्यांनी आज पत्रकार परिषद घेऊन शिवसेनेवर गंभीर आरोप केले आहेत.
मनसेने केलेल्या आरोपानंतर भाजपानेही शिवसेनेवर टीका केली आहे. राम मंदीराच्या वर्गणीला विरोध करायचा आणि सार्वजनिक पद पथावरच्या लोकांकडून हप्ता वसुल करायचा, अशी टीका भाजपाचे आमदार आशिष शेलार यांनी केली आहे. हप्ता वसुलीसाठी मुख्यमंत्र्यांचा फोटो कोणी वापरत असेल तर त्याला मुख्यमंत्र्यांचे समर्थन नसेलच. मात्र अशा प्रकारे फोटो वापरणाऱ्यांवर फौजदारी गुन्हा दाखल करा, अशी मागणी आशिष शेलार यांनी केली आहे.
शिवसेनेने हॉकर्स झोनची घोषणा याआधीच केली होती. पण तसं काही झालंच नाही. आता शिवसेनेकडूनच फेरीवाल्यांना रितसर पावती देऊन खंडणी वसूल केली जात आहे. या पावतीवर शिवसेना प्रमुख बाळासाहेब ठाकरे, मुख्यमंत्री उद्धव ठाकरे आणि पर्यावरण मंत्री आदित्य ठाकरे यांचे फोटो आहेत. याशिवाय सार्वजनिक पथाचा वापर करणाऱ्यांना होणार उपद्रव कमी करण्यासाठी आणि कचरा निर्मुलनासाठी घेण्यात येणार आकार असं लिहीण्यात आलं आहे. असं संदीप देशपांडे यांनी पत्रकार परिषदेत सांगितलं.
हप्ता वसुलीसाठी मा. मुख्यमंत्र्यांचा फोटो कोणी वापरत असेल तर त्याला मा. मुख्यमंत्र्यांचे समर्थन नसेलच.. त्यामुळे अशा प्रकारे फोटो वापरणाऱ्यावर फौजदारी गुन्हा दाखल करा! @BJP4Maharashtra @Dev_Fadnavis @ChDadaPatil pic.twitter.com/AZQ3jq81H1
— Adv. Ashish Shelar – ॲड. आशिष शेलार (@ShelarAshish) February 4, 2021
महत्वाच्या बातम्या
- शरजीलचे वक्तव्य चुकीचे आणि दुर्दैवी – उर्मिला मातोंडकर
- ‘संज्या राऊतचा आमदार भाऊ फेरीवाल्यांकडून दिवसाचे १० रुपये घेतो’
- परभणीत ‘महाबीज’ची राज्य बियाणे प्रयोगशाळा
- ‘शेतकऱ्यांना १० एकरात १०० कोटीची वांगी लावण्याचा मंत्र मात्र न चुकता द्या’
- पालखेड कालव्याच्या निमित्ताने वैजापुरात जलक्रांती
