मुंबई: आयपीएलमध्ये सहभागी खेळाडूंची ने-आण करण्यासाठी बसेसचा वापर केला जातो. पण या बसेस महाराष्ट्राच्या बाहेरुन आणल्या जातात. राज्यातील बसेस वाहतूकदारांना हे काम दिलं जात नाही. त्यामुळे स्थानिक वाहतूकदारांना आयपीएल खेळाडूंच्या वाहतूक व्यवस्थेचं काम देण्याची मागणी महाराष्ट्र नवनिर्माण सेनेने आधीपासूनच लावून धरली होती.
मात्र मनसेच्या या मागणीकडे दुर्लक्ष करण्यात आल्याने मनसेने ‘मनसे स्टाइल’ या बसेसची तोडफोड केल्याची घटना मंगळवारी रात्री घडली आहे. दक्षिण मुंबईतील चर्चगेट भागात असलेल्या ताज हॉटेल बाहेर (Hotel Taj) मनसे कार्यकर्त्यांनी या बस फोडल्या. बसवर ‘मनसेचा दणका’ असं लिहिलेले पोस्टर चिकटवून मनसेने बसची तोडफोड केली. याप्रकरणी मनसेच्या कार्यकर्त्यांवर गुन्हा दाखल करण्यात आला आहे.
या संबंधी आता मनसेचे कुलाबा येथील अध्यक्ष संजय नाईक यांनी प्रतिक्रिया दिली आहे. “तोडफोड हा चुकीचा शब्द आहे, अन्यायाविरुद्ध प्रतिकार करण्याला तोडफोड म्हणू शकत नाही” असे ते यावेळी म्हणाले.
महत्वाच्या बातम्या:
बातम्यांसाठी YouTube चॅनेल Subscribe करा
Subscribe Now
