रणपिसेंच्या निधनानंतर रिक्त झालेल्या जागेसाठी २९ नोव्हेंबरला पोटनिवडणूक

मुंबई : काँग्रेसचे पुण्यातील आमदार शरद रणपिसे यांच्या निधनामुळे रिक्त झालेल्या विधान परिषदेच्या एका जागेसाठी २९ नोव्हेंबरला मतदान होणार असून त्याच दिवशी सायंकाळी मतमोजणी होणार आहे. या निवडणुकीत गुप्त मतदान असल्याने ही पोटनिवडणूक आघाडीसाठी कसोटीची ठरणार आहे.

शरद रणपिसे यांचे २३ सप्टेंबर २०२१ रोजी पुण्यात निधन झाले होते. रणपिसे हे २०१८ मध्ये विधानसभा सदस्यांद्वारे विधान परिषदेवर निवडून गेले होते. त्यांची मुदत २७ जुलै २०२४ पर्यंत होती. निवडणूक आयोगाने घोषित केलेल्या कार्यक्रमानुसार ९ नोव्हेंबरला अधिसूचना जारी होईल. १६ नोव्हेंबर अर्ज करण्याची शेवटची मुदत आहे.

उमेदवारी अर्जांची १७ नोव्हेंबरला छाननी होईल. अर्ज माघारीची मुदत २२ नोव्हेंबर अशी आहे. २९ नोव्हेंबरला सकाळी ९ ते संध्याकाळी ४ या दरम्यान मतदान होईल. तर संध्याकाळी ५ वाजता मतमोजणी होऊन निकाल जाहीर केला जाईल. दरम्यान, या जागेसाठी माजी मंत्री नसीम खान, चंद्रकांत हंडोरे यांची नावे आघाडीवर आहेत.

महत्त्वाच्या बातम्या

• मलिकांनी लवंगी फटाका लावलाय, आता दिवाळीनंतर बॉम्ब मी फोडणार- देवेंद्र फडणवीस
• ‘राज्यात देवेंद्र फडणवीसांच्या इशाऱ्यावर ड्रग्जचा खेळ सुरु’; नवाब मलिकांचा गंभीर आरोप
• ‘नवाब मलिकांचे अंडरवर्ल्डशी संबंध, लवकरच शरद पवारांना पुरावे देणार’, फडणवीसांचा गंभीर आरोप
• ‘चोराच्या उलट्या बोंबा; विनाशकाले विपरीत बुद्धी’, अमृता फडणवीसांचे मलिकांना प्रत्युत्तर
• जास्त बोललात तर अ‍ॅट्रॉसिटी कायद्याअंतर्गत गुन्हा दाखल करुन तुरुंगात टाकू- नवाब मलिक