मुंबई : राष्ट्रवादी काँग्रेसचे प्रवक्ते आणि राज्याचे अल्पसंख्यांक मंत्री नवाब मलिक यांनी गेले काही दिवस एनसीबीचे अधिकारी समीर वानखेडे यांच्याशी संबंधित कागदपत्रे सोशल मीडियावर शेअर करत त्यांना चांगलंच धारेवर धरलं होतं. आर्यन खानच्या सुटकेनंतर हे प्रकरण काहीसं शमलं. मात्र आता नवाब मलिकांनी या प्रकरणाबाबत भाष्य करणं सोडलं नाही. नवाब मलिक यांनी आज सकाळी ट्विटरवरुन पुन्हा एकदा खळबळ उडवून दिली आहे.
मलिक यांनी भाजप आणि ड्रग्जचा व्यवसाय करणाऱ्यांचे संबंध असल्याचा आरोप करत थेट विरोधीपक्ष नेते देवेंद्र फडणवीस यांची पत्नी अमृता फडणवीस यांचा एक फोटो ट्विट केला आहे. या फोटोमध्ये अमृता फडणवीस यांच्यासोबत फोटोत असणारी व्यक्त ड्रग्ज पेडलर असल्याचा दावा करण्यात येत आहे. ‘चलो आज भाजपा और ड्रग्स पेडलर के रिश्तों पे चर्चा करते है’, अशा कॅप्शनसहीत हा फोटो नवाब मलिक यांच्या ट्विटर हॅण्डलवरुन शेअर करण्यात आला आहे. अन्य एका ट्विटमध्ये या व्यक्तीचं नाव जयदीप राणा असं असल्याची माहिती नवाब मलिक यांनी दिली आहे.
चलो आज BJP और ड्रग्स पेडलर के रिश्तों पे चर्चा करते है pic.twitter.com/FVjbOQ8jvf
— Nawab Malik نواب ملک नवाब मलिक (@nawabmalikncp) November 1, 2021
त्यानंतर पत्रकार परिषद घेऊन त्यांनी देवेंद्र फडणवीस आणि अमृता फडणवीसांवर गंभीर आरोप केले आहेत. त्यालाच आता अमृता यांनी प्रत्युत्तर दिले आहे. ‘चोराच्या उलट्या बोंबा का असतात बुवा?’ असा प्रश्न उपस्थित करत मलिकांवर निशाणा साधला आहे.
चोराच्या उल्ट्या बोंबा का असतात बुवा ?
कारण *विनाशकाले विपरीत बुद्धी* असते !— AMRUTA FADNAVIS (@fadnavis_amruta) November 1, 2021
‘अमृता फडणवीसांनी नदी स्वच्छता मोहिमेबाबत एक गीत म्हटलं होतं. त्यामध्ये देवेंद्र फडणवीस आणि सुधीर मुनगंटीवार यांनी देखील अभिनय केला होता. त्याचा गाण्याचा फायनान्स हेड हा जयदीप राणा होता. तो ड्रग्स पेडलर असून त्याचे फडणवीसांसोबत घनिष्ठ संबंध आहेत’ असे गंभीर आरोप मलिकांनी केले आहेत. त्यालाच अमृता फडणवीस यांनी ट्विटद्वारे प्रत्युत्तर दिले आहे. ‘चोराच्या उल्ट्या बोंबा का असतात बुवा? कारण विनाशकाले विपरीत बुद्धी असते!’ असं म्हणत त्यांनी मलिकांवर टीका केली आहे.
महत्वाच्या बातम्या
- पंतप्रधान मोदींवर टीका करण्याची तुमची लायकी आहे का?; नारायण राणेंचा मुख्यमंत्र्यांना संतप्त सवाल
- ‘बापाच्या नावावर आणि जीवावर राजकारणात असलेले सुप्रिया सुळेंसारखे फुटकळ नेते…’ भाजप आमदाराचे वादग्रस्त वक्तव्य
- ‘आर्यनच्या बचावातून वेळ मिळाला असेल तर आता शेतकरी आत्महत्येकडे लक्ष द्या’, मेटेंचा मुख्यमंत्र्यांना टोला
- न्यूझीलंडचा भारतावर ८ गड्यांनी विजय; भारताचा लाजिरवाणा पराभव
- ‘… तसे केले नाही, म्हणून आम्ही जिंकलो नाही’, लाजिरवाण्या पराभवानंतर विराटची प्रतिक्रिया
बातम्यांसाठी YouTube चॅनेल Subscribe करा
Subscribe Now
