मुंबई : बॉलीवुडचे पहिले सुपरस्टार आणि जेष्ठ अभिनेते दिलीप कुमार यांचे निधन झाले आहे. आज ७ जुलै रोजी सकाळी ७.३० मिनिटांनी त्यांनी अखेरचा श्वास घेतला. दिलीप कुमार यांचे वय ९८ होते. गेल्या काही दिवसापासुन दिलीप कुमार यांना श्वास घ्यायला त्रास होत होता. यामुळे उपचारासाठी त्यांना २९ जुन रोजी मुंबई येथील हिंदूजा रुग्णालयात दाखल करण्यात आले होते. यादरम्यान त्यांची प्रकृती खालावत गेली आणि आज ७ जुलै रोजी त्यांची प्राणज्योत मालवली. संपूर्ण बॉलीवुड विश्वात दिलीप कुमार यांच्या निधनानंतर शोक व्यक्त केला जात आहे.
त्यांच्या निधनामुळे गानकोकीळा लता मंगेशकर यांनी आपल्या भावाला हरपले आहे. त्यांनी दिलीप कुमार यांच्यासोबतचे फोटो शेअर करत भावूक पोस्ट शेअर केली आहे.
गानसम्राज्ञी लता मंगेशकर ट्रॅजेडी किंग म्हणजेच दिलीप कुमार यांना राखी बांधत होत्या. आज भावाच्या निधनाचे वृत्त समजताच लता मंगेशकर यांनी काही जुने फोटो शेअर करत दुःख व्यक्त केले. त्यांनी एकानंतर एक बरेच ट्विट केले आहे.
‘युसूफ भाई, आज आपल्या छोट्या बहिणीला सोडून गेले. युसूफ भाई, का गेलात, एका युगाचा अंत झाला. मला काहीच सूचत नाही. मी खूप दुःखी आहे. निःशब्द आहे. बऱ्याच गोष्टी आठवणी देऊन जातात. युसूफ भाई, मागील कित्येक वर्षांपासून आजारी होते. कोणाला ओळखत नव्हते अशा काळात सायरा वहिनीने सर्व सोडून दिवस रात्र त्यांची सेवा केली. त्यांच्यासाठी दुसरे जीवन नव्हते. अशा स्त्रीला मी अभिवादन करते आणि युसूफ भाईंच्या आत्म्याला शांती मिळावी म्हणून प्रार्थना करते.’ अशा आशयाचे भावूक पोस्ट ट्वीटरच्या माध्यमातून त्यांनी केल्या आहेत.
यूसुफ़ भाई आज अपनी छोटीसी बहन को छोड़के चले गए.. यूसुफ़ भाई क्या गए, एक युग का अंत हो गया. मुझे कुछ सूझ नहीं रहा. मैं बहुत दुखी हूँ, नि:शब्द हूँ.कई बातें कई यादें हमें देके चले गए.
— Lata Mangeshkar (@mangeshkarlata) July 7, 2021
नुकतेच दिलीप कुमार यांच्या ट्विटर अकाऊंटवरुन कुटुंबीयानी जुहू येथील कब्रस्थानात सायंकाळी पाच वाजता दफनविधी करण्यात येणार असल्याची माहिती दिली आहे. दरम्यान दिलीप कुमार यांच्यावर शासकीय इतमामात अंत्यसंस्कार होणार आहेत. राज्याचे मुख्यमंत्री उद्धव ठाकरे यांनी तशा सूचना प्रशासनाला दिल्या आहेत. दिलीप कुमार यांच्या अंत्यसंस्काराला मुख्यमंत्री उद्धव ठाकरे, राष्ट्रवादीचे नेते खासदार शरद पवार हे देखील उपस्थित राहणार आहेत.
महत्वाच्या बातम्या
- ‘शरमेने मान खाली घालण्यासारख्या अनेक गोष्टी आहेत’ ; चंद्रकांत दादांचा टोला
- ‘भास्कर जाधव हे नरकासुरा सारखे आहेत’, नितेश राणेंचा प्रहार
- ‘बाजीराव ते कपील देव’ अष्टपैलु रणवीरचे ३६व्या वर्षात पदार्पण!
- सेनेच्या जखमेवर मीठ चोळण्यासाठी नारायण राणेंना दिले जाणार मंत्रिपद ?
- नारायण राणे होणार केंद्रीय मंत्री ?, दिल्लीहून आले तातडीचे बोलावणे
