रामनाथपुरम – एका तरूणाने तर प्रेयसीचा जीव वाचवण्यासाठी चक्क आत्महत्या केल्याचा धक्कादायक प्रकार समोर आला आहे. ही घटना आहे तामिळनाडू राज्यातील रामनाथपुरम येथील आहे. प्रेयसीच्या घरच्यांनी प्रेमविवाहाचा प्रस्ताव नाकारल्याने तरुणाने हे टोकाचे पाऊल उचलले असल्याचे सांगितले जात आहे.
मिळालेल्या माहितीनुसार,हा तरूण प्रेम विवाहाचा प्रस्ताव घेऊन तरूणीच्या घरी गेला होता. तिथे मुलीकडचे लोक त्याला म्हणाले की, हा सगळा प्रकार मुलीमुळे घडतोय, मुलगीच राहणार नाही तर हे प्रकरण होणार नाही. यावर प्रियकर विजय म्हणाला की, प्रेयसीला काहीच व्हायला नको. मी स्वत:च आत्महत्या करतो. असं म्हणत २५ वर्षीय तरूणाने अंगावर पेट्रोल घेऊन पेटवून घेत आत्महत्या केली.
याबाबत सविस्तर माहिती अशी आहे की, विजय नावाच्या या तरुणाचे एका तरूणीसोबत त्याचे प्रेमसंबंध होते. विजयला त्याच्या मित्रांकडून समजलं की, अपर्णाच्या घरातील लोकांना तुमच्या रिलेशनशिपबाबत समजलं आहे. यानंतर त्यांच्या घरात मोठा वाद झाला असल्याचे देखील समजले. हे समजल्यावर विजय अपर्णाच्या घरी तिचा हात मागण्यासाठी गेला होता. पण अपर्णाच्या घरातील लोक या लग्नासाठी तयार नव्हते.
विजयने अपर्णाच्या घरच्यांना एका आठवड्याचा वेळ दिला आणि पुन्हा लग्नाच्या परवानगीसाठी येईल असे सांगितले. यादरम्यान अपर्णाच्या घरच्यांनी कराईकुडी महिला पोलीस ठाण्यात तक्रारही दाखल केली. गेल्या शनिवारी विजय पुन्हा लग्नाच्या मागणीसाठी अपर्णाच्या घरी आला. त्यावेळी अपर्णाच्या घरच्यांनी म्हटले की, सगळे काही या मुलीमुळेच होत आहे, हीच राहिली नाही तर सर्व प्रकरण संपेल. हे ऐकून विजय घाबरला. पोलिसांनी सांगितले की, त्यानंतर विजयने अपर्णाच्या घरासमोर अंगावर पेट्रोल ओतून आग लावून आत्महत्या केली. अपर्णाला काही करू नका मीच मरतो, म्हणत त्याने आत्महत्या केली.
विजयच्या शरीराला लागलेली आग बघता शेजाऱ्यांनी त्याला वाचवण्याचा प्रयत्न केला. आग विझवली गेली आणि पोलिसांना याची माहिती देण्यात आली. त्यानंतर विजयला हॉस्पिटलमध्ये नेण्यात आलं आणि तिथे त्याचा उपचारादरम्यान मृत्यू झाला. पोलीस प्रकरणाची चौकशी करत आहेत.
महत्त्वाच्या बातम्या
- ‘क्वारंटाइन कालावधीमध्ये टॉवेलनं बॉलिंगचा सराव करत आहे’
- देशावर ब्लॅक फंगसचे संकट ; केंद्र सरकारने घेतला ‘हा’ मोठा निर्णय
- लॉकडाऊन नंतर पर्यटकांना उत्कृष्ट सेवा देण्यासाठी MTDC आणि कर्मचाऱ्यांनी कंबर कसली
- विनाकारण फिरणाऱ्या ५०७ जणांची तपासणी, सलग तिसऱ्या दिवशी शून्य पॉझिटिव्ह!
- शिवराज नारियलवाले मारहाण प्रकरणी पोलीस उपनिरीक्षकासह ५ कर्मचारी निलंबित
