मुंबई : राज्यसभेच्या निवडणुकीवरून महाविकास आघाडी आणि भाजपकडून विजयाचे दावे–प्रतिदावे सुरु झाले असल्याचे पाहायला मिळत आहेत. भाजपचे प्रदेशाध्यक्ष चंद्रकांत पाटील यांनी आमचे निवडणूक जिंकण्याचे गणित पक्के झाले आहे असा दावा केला आहे, तर शिवसेनेचे नेते संजय राऊत यांनी देखील भाजपने आमदार फोडण्याचे काम सुरू केले असल्याचा आरोप केला आहे.
चंद्रकांत पाटील माध्यमांशी बोलताना म्हणाले की, “आम्हाला आमदारांना कुठे बंदिस्त करण्याची गरज नाही. आमचा त्यांच्या सद्सद्विवेकबुद्धीवर विश्वास आहे. आमदारांवर आम्ही कशाला दबाव आणू. आम्ही केंद्रीय तपास यंत्रणांची मदत घेऊन आमदार फोडण्याचे काम करीत आहोत, असे संजय राऊत म्हणतात. ते त्यांनी सिद्ध करावे. वाटेल ती चौकशीही करा”.
संजय राऊत म्हणाले, “आम्ही उमेदवार मागे घेणार आहोत, अशा चर्चा कुठून सुरू झाल्या, याचे सूत्रधार कोण आहेत, आम्हाला माहीत आहे. केंद्रात तुमचे सरकार आहे, तसे राज्यात आमचे सरकार आहे. मुख्यमंत्री, आमदार आणि आमचा चांगला समन्वय आहे. राजकीय पक्षाच्या आमदारांना मत दाखवायचे असते. बाकी लढाई अपक्ष आणि छोट्या पक्षांशी आहे. मुख्यमंत्र्यांनी सर्वांची विकासकामे केली आहेत. हे सर्व आमदार महाविकास आघाडीसोबत जोडले गेले आहेत, असा दावा संजय राऊत यांनी केला.
महत्वाच्या बातम्या –
