Deepali Sayyed । दिपाली सय्यद यांच्या शिंदे गटातील प्रवेशाला भाजपमधून विरोध; काय आहे प्रकरण?

महाविकास आघाडीच्या काळात दिपाली सय्यद यांनी पंतप्रधान नरेंद्र मोदी आणि भाजपवर अत्यंत वाईट भाषेत टीका केली होती. त्यामुळे त्यांनी मोदी आणि भाजपची जाहीर माफी मागावी, तरच त्यांना प्रवेश देण्यात यावा, असं भाजपच्या महिला आघाडीच्या नेत्या मृणाल पेंडसे (Mrunal Pendse) यांनी सांगितलं.

त्या म्हणाल्या, मुख्यमंत्री एकनाथ शिंदे हे महिलांचा आदर करतात. पण कोणतीही विचारधारा नसणारी, आपली मते सातत्याने बदलणारी, तसेच कुठली पात्रता नसलेल्या दिपाली सय्यद या शिंदे गटात प्रवेश करणार असल्याची बातमी वाचली. महाविकास आघाडीच्या काळात पंतप्रधान नरेंद्र मोदी आणि देवेंद्र फडणवीस यांच्या बाबत दिपाली सय्यद यांनी आक्षेपार्ह विधाने केली होती. अत्यंत खालच्या पातळीवर टीका करणाऱ्या दिपाली सय्यद यांना आमचा विरोध असल्याचं मृणाल पेंडसे म्हणाल्या.

दरम्यान, भाजपा महिला मोर्चाच्या जनरल सेक्रेटरी दिपाली मोकाशी (Deepali Mokashi) यांनीही यासंदर्भात भाष्य केलंय. दिपाली सय्यद यांनी आधी भाजपाची बिनशर्त माफी मागावी, खोट्या तक्रारी मागे घ्याव्यात, त्यानंतरच त्यांना शिंदे गटात प्रवेश द्यावा, अशी मागणी त्यांनी केली आहे.

महत्वाच्या बातम्या :

• Uddhav Thackeray | “उद्धव ठाकरेंनी बाळासाहेबांचं ऐकलं नाही…”, भाजप आमदाराचा घणाघात
• Eknath Khadse | “हिंमत असेल तर कारनामे बाहेर काढा”, एकनाथ खडसेंचं महाजनांना आव्हान
• Bhaskar jadhav | “शिंदे गटातील आमदार जास्त काळ…”, म्हणत ईडी वर देखील भास्कर जाधवांचा घणाघात
• Eknath Shinde | “आम्ही ५० नाही तर २०० खोके देतो, मात्र…”, शिंदेंचा खुलासा
• Supriya Sule | “शिंदे सरकारचं आणखी एक अपयश…”, ऊर्जा उपकरण निर्मिती प्रकल्प हातून गेल्याने सुप्रिया सुळेंची प्रतिक्रिया