नवी दिल्ली- गेल्या काही दिवसात कोरोनाने डोके पुन्हा वर काढल्याचे दिसून येत आहेत.मोठ्या प्रमाणावर पुन्हा रुग्ण सापडू लागले असून अनेक राजकीय नेते देखील या विषाणूच्या विळख्यात अडकत आहेत. यातच भाजपचे खासदार नंदकुमारसिंह चौहान यांना देखील कोरोनाची लागण झाली होती आज चौहान यांचे निधन झाले.
चौहान यांच्यावर दिल्लीतील ‘मेदांता’ रुग्णालयात उपचार सुरु होते. त्याचवेळी ते कोरोना संक्रमित झाले होते. सोमवारी रात्री उशिरा त्यांनी रुग्णालयात अखेरचा श्वास घेतला. ते मध्य प्रदेशातील खंडवा येथील लोकसभा मतदारसंघाचे प्रतिनिधित्व करत होते.
दरम्यान,पंतप्रधान नरेंद्र मोदी यांनी नंदकुमारसिंह चौहान यांच्या निधनाबद्दल तीव्र दुखः व्यक्त केले आहे. त्यांनी ट्विट केले की, ‘खंडवाचे लोकसभा खासदार नंदकुमारसिंह चौहान जी यांच्या निधनामुळे मी दु: खी आहे. संसदीय कार्यवाही, संघटनात्मक कौशल्य आणि मध्य प्रदेशात भाजपाला बळकटी देण्यासाठी केलेल्या प्रयत्नांमुळे त्यांचे स्मरण केले जाईल.
दरम्यान,कुटुंबीयांच्या दु:खात सहभागी आहे.देशात कोरोनाच्या लसीकरणाचा दुसरा टप्पा सुरु झाला असून यामध्ये 60 वर्षावरील नागरिकांना आणि ज्यांना गंभीर आजार आहे अशा 45 वर्षावरील नागरिकांना कोरोनाची लस देण्यात येणार आहे.
दरम्यान,या टप्प्याला सोमवार एक मार्चपासून सुरुवात झाली असून या एकाच दिवशी तब्बल 25 लाख लोकांनी लसीकरणासाठी नोंद केल्याचं पहायला मिळतंय.
महत्त्वाच्या बातम्या
- बेस्टची थकबाकी ठेवणाऱ्या बिल्डरची एसआयटी मार्फत चौकशीची मागणी सरकारने नाकारली
- हिंगोलीत जिल्ह्यात ७ मार्चपर्यंत लॉकडाऊन जाहीर; बाहेरगावहून आलेले ४ प्रवासी पॉझिटिव्ह
- ठिय्या आंदोलनाचा ४२ वा दिवस; ७ मार्च रोजी होणाऱ्या आक्रोश मोर्चाची जय्यत तयारी
- ‘त्या’ तरुणाचा खून समलैंगिक संबंधांतून; लग्न ठरले म्हणून पार्टनरला संपवले
- 5 कोटी न दिल्यास मुलाला ठार करू; दिग्गज भाजप आमदाराला धमकीचे पत्र
बातम्यांसाठी YouTube चॅनेल Subscribe करा
Subscribe Now
