राज्यातील आरोग्य सेवा भरतीत मोठा घोटाळा; प्रकाश शेंडगेंचा गंभीर आरोप

🕒 1 min read

मुंबई : राज्यातील आरोग्य विभागाची परीक्षा ऐनवेळी रद्द झाल्याने राज्यातील विद्यार्थ्यांनी राज्य सरकारवर संताप व्यक्त कैला जात आहे. त्याचबरोबर विरोधकांनीही महविकास आघाडीवर या मुद्द्यावरुन जोरदार ताशेरे ओढले. मात्र आता या सेवा भरतीमध्ये मोठा घोटाळा झाल्याचा गंभीर आरोप ओबीसीचे नेते प्रकाश शेंडगे यांनी केला आहे. याबाबतची धक्कादायक ऑडिओ क्लीप सध्या व्हायरल होत आहे.

राज्यातील आरोग्य सेवा भरतीमध्ये मोठा घोटाळा झाला आहे, असा गंभीर आरोप प्रकाश शेंडगे यांनी केला आहे. आरोग्य सेवा भरतीसाठी एजंटमार्फत 15 लाख रुपयांची मागणी केल्याचा गंभीर आरोप यावेळी प्रकाश शेंडगे यांनी केला आहे. आरोग्य सेवा भरतीसाठी एजंटमार्फत 15 लाख रुपयांची मागणी करत असल्याची ऑडिओ क्लीप आता सोशल मीडियावर चांगलीच व्हायरल होत आहे. या ऑडिओ क्लीपची चौकशी व्हावी, अशी मागणीही प्रकाश शेंडगे यांनी केली आहे.

हे संपूर्ण प्रकरण धक्कादायक असून यामध्ये मोठा भ्रष्टाचार होत असल्याचं स्पष्ट होत आहे. फक्त अमरावतीमधील ही ऑडिओ क्लीप आहे. या प्रकरणाची चौकशी झाली तर संपूर्ण महाराष्ट्रातील करोडोंचा घोटाळा बाहेर येण्याची शक्यता आहे, असंही शेंडगे म्हणाले आहेत.

राज्य सरकारने ज्या कंपनीला हे कॉन्ट्रॅक्ट दिले आहे अशा न्यासा कंपनीचा मालक 84 दिवस जेलमध्ये जाऊन आला आहे. याची कल्पना राज्य सरकारच्या अधिकाऱ्यांना होती. तरीही असं ट्रॅप रेकॉर्ड असलेल्या कंपनीच्या हाती लाखो तरुणांचं भविष्य देणं, ही कंपनी महाराष्ट्रातील मुलांना चीनचे सेंटर देते, आणि आदल्या दिवशी परिक्षा रद्द करण्याची नामुष्की राज्यावर येत आहे. एवढं सगळं होऊनही हे कॉन्ट्रॅक्ट त्याच कंपनीला द्यायचं महाराष्ट्रात नेमकं काय चाललं आहे?, असा सवाल प्रकाश शेंडगेंनी राज्य सरकारला विचारला आहे.

महत्त्वाच्या बातम्या

• आनंदराव अडसूळ यांना ज्या प्रकरणात ईडीने समन्स पाठवलं ते प्रकरण नेमकं आहे तरी काय ?
• मुंबई-पुणे रेल्वे मार्गावर अपघात, इंदोर-पुणे रेल्वेचे दोन डबे रुळावरून घसरले
• पश्चिम महाराष्ट्रात नव तंत्रज्ञानाच्या उपयोगातून रस्त्यांचे जाळे निर्माण करणार – नितीन गडकरी
• ‘अधिकाऱ्यांनी न्यायालयाच्या अवमानाची…’, मुख्यमंत्री बिप्लब कुमार देब यांचे खळबळजनक वक्तव्य
• धर्मांतर रॅकेट : नाव बदलून राहणाऱ्या ‘आतिफ’ला ATSने नाशकातून केली अटक