नाशिक – उत्तर प्रदेश दहशतवादविरोधी पथकाने रविवारी नाशिकमधील एका व्यक्तीला धार्मिक धर्मांतर सिंडिकेट प्रकरणी अटक केली. आतिफ उर्फ उर्फ कुणाल चौधरी याला नाशिकच्या आनंद नगर येथून अटक करण्यात आली. यामुळे आता उत्तर प्रदेशात काही महिन्यांपूर्वी उघडकीस आलेल्या धर्मांतर रॅकेटचे धागेदोरे आता नाशिकपर्यंत पोहोचले असल्याचे समोर आले आहे.
उत्तर प्रदेश दहशतवाद विरोधी पथकाने रविवार नाशिकमध्ये कारवाई करत नाशिक रोड येथून या संशयिताला अटक केली आहे. तो कुणाल चौधरी या नावानेच परिसरात वास्तव्य करत होता. परदेशातील वेगवेगळ्या खात्यांमधून तब्बल 20 कोटी रुपये आतिफ उर्फ कुणालच्या खात्यात जमा झाल्याची माहिती समोर आली आहे. मात्र पैसे कुठून आले, याचा तपशील उपलब्ध नाही. दहशतवाद विरोधी पथक या बाबत अधिक तपास करत आहे. उत्तर प्रदेशच्या धर्मांतर प्रकरणात आतिफचा समावेश असल्याचा एटीएसला संशय आहे.
उत्तर प्रदेश एटीएस पथकाने दिलेल्या माहितीप्रमाणे अतिफ धर्मांतर रॅकेट प्रकरणात मौलाना कलीम सिद्दीकीशी जोडलेला होता. मागील दोन वर्षांपासून तो संपर्कात होता. मौलाना कलीम सिद्दीकीला गेल्या आठवड्यात एटीएसने अटक केली. त्यानंतर ही कारवाई करण्यात आली.
अतिफने रशियातून वैद्यकीय शिक्षण घेतलेलं आहे. वैद्यकीय शिक्षण पूर्ण झाल्यानंतर तो रशियातून परतला. भारतात वैद्यकीय प्रॅक्टीस केलेली नसल्यानं तो भारतीय वैद्यकीय परिषदेकडून (MCI) घेतल्या जाणाऱ्या परीक्षासाठी तो पात्र ठरला नाही. त्यानंतर अतिफने नाशिकमध्ये बेकायदेशीरपणे रुग्णांवर उपचार करणे सुरू केलेलं होतं.अतिफने त्याच्याकडे येणाऱ्या रुग्णाचं इस्लाममध्ये धर्मांतर करण्यासाठी मन परिवर्तन करण्याचं काम सुरू केलेलं होतं, असा दावा एटीएसकडून करण्यात आला आहे.
महत्त्वाच्या बातम्या
- ‘दक्षता व गुणनियंत्रण मंडळ कार्यालय होणे ही मराठवाड्यासाठी अभिमानास्पद बाब’
- मुंबई-पुणे रेल्वे मार्गावर अपघात, इंदोर-पुणे रेल्वेचे दोन डबे रुळावरून घसरले
- तो आवाज माझा नाहीच हे विरोधकांचे कारस्थान; सुनिल कांबळेंचे स्पष्टीकरण
- गुलाब चक्रीवादळाचा राज्यावरही परिणाम; दोन दिवस मुसळधार पावसाचा इशारा
- वरती सत्तेत एकत्र, पण खाली कार्यकर्त्यांची डोके फोड सुरूच- विजय शिवतारे
