मुंबई : उद्योगपती मुकेश अंबानी यांच्या घरासमोर सापडलेल्या स्फोटक प्रकरणात सुरु असलेल्या चौकशीत प्रत्येक दिवशी नवनवीन आणि धक्कादायक खुलासे होताना दिसत आहेत. निलंबित पोलीस अधिकारी सचिन वाझे यांना एनआयएने अटक केली आहे. मागील सुनावणीमध्ये एनआयए कोर्टाने वाझेंना २५ मार्च पर्यंतची कोठडी सुनावली होती.
वाझेंची कोठडी आज संपत असल्याने एनआयएने विशेष एनआयए न्यायालयाकडे आणखी १५ दिवसांच्या कोठडीची मागणी केली. ‘वाझेंंचा गुन्हा हा देशपातळीवरील मोठा गुन्हा आहे. एखाद्या पोलिसाचा अश्या गुन्ह्यात सहभाग असणं ही शरमेची बाब आहे,’ असा युक्तिवाद करतानाच वाझेंची आणखी १५ दिवसांची कोठडी देण्याची मागणी एनआयए तर्फे एएसजी अनिल सिंह यांनी केली आहे.
सचिन वाझे हे तपासात सहकार्य करत नसल्याची तक्रार देखील एनआयएने न्यायालयाकडे केली आहे. तसेच, हे गंभीर प्रकरण असून सखोल चौकशी होणे गरजेचे आहे असे देखील न्यायालयात सांगण्यात आले. न्यायालयाने, एनआयए आणि सचिन वाझेंच्या वकिलांची बाजू ऐकल्यानंतर आता त्यांना ३ एप्रिल पर्यंत एनआयए कोठडी सुनावली आहे.
दरम्यान, सचिन वाझेंनी सर्व आरोप फेटाळून लावत बळीचा बकरा बनवला जात असल्याचं विधान न्यायालयात केलं आहे. तर, दिवसेंदिवस वाझेंविरोधात अनेक सबळ पुरावे समोर येत असल्याने याप्रकरणाचा संपूर्ण छडा लावण्यात एनआयएला मदत होणार आहे.
महत्त्वाच्या बातम्या
- ‘युपीएच्या कॅप्टन बदलावर १६ वा गडी बोलतोय, त्याला काही अर्थ नाही’
- मला बॅटिंग करायला मजा येते आणि बॉलिंगही थेट स्टम्प्सवर करतो; फडणवीसांची फटकेबाजी
- वाझेंचा देशपातळीवरील मोठा गुन्हा; एनआयएने आणखी १५ दिवसांची कोठडी मागितली
- अध्यक्षपदाबाबत बोलण्याचा राऊतांना अधिकार नाही, सेनेनं आधी यूपीएचा भाग व्हावं – सावंत
- आता राज्यव्यापी लॉकडाऊन करता येणार नाही, मात्र…केंद्र सरकारची नवी नियमावली
बातम्यांसाठी YouTube चॅनेल Subscribe करा
Subscribe Now
