“मोठ्या माणसांशी मोठ्या माणसांनीच बोलावं, मी फार छोटा माणूस…”, अजित पवारांचा चंद्रकांत पाटलांना टोला

पुणे : पुण्यातील कोरोना रुग्णसंख्या आणि शाळा सुरु करण्याबाबत झालेल्या आढावा बैठकीवरुन भाजपचे प्रदेशाध्यक्ष चंद्रकांत पाटील यांनी उपमुख्यमंत्री अजित पवार यांच्यावर टीका केली आहे. अजित पवार विश्वासात घेत नाहीत, आम्ही केलेल्या सुचनांना ते केराची टोपली दाखवतात, त्यामुळे मी त्यांच्या बैठकीत हजेरी लावत नाही, असा आरोप चंद्रकांत पाटलांनी केला आहे. त्यावर आता अजित पवारांनी प्रत्युत्तर दिले आहे.

अजित पवार पुण्यात प्रसारमाध्यमांशी संवाद साधताना म्हणाले, ‘चंद्रकांत पाटील इतकी मोठी व्यक्ती आहे की त्यांनी केलेल्या वक्तव्याबद्दल एका छोट्या अजित पवाराने टीका करणं काही बरोबर नाही. मोठ्या माणसांबद्दल मोठ्या माणसांनी बोलावं, मी अतिशय छोटा आहे.’

पुढे अजित पवार म्हणाले, ‘गेल्या काळात वन नेशन वन टॅक्स असा निर्णय झाला आणि जीएसटी आलं. त्याला आता पाच वर्ष झाली आहेत. त्या पाच वर्षाच्या काळात केंद्र ठराविक रक्कम राज्यांना देत होतं. ती आता बंद होणार आहे. सर्व राज्याच्या अर्थमंत्र्यांनी करोनाची दोन वर्ष कठीण गेली असून अर्थव्यवस्थेला फटका बसल्याचं सांगितलं आहे. त्यामुळे त्या पाच वर्षांमध्ये अजून दोन वर्ष वाढवावी, अशी मागणी केली आहे. आता त्यावर काय निर्णय घेतात ते पहावं लागेल,’ असं अजित पवारांनी यावेळी सांगितलं.

महत्वाच्या बातम्या

• ‘ख्रिस गेलने’ने दिल्या प्रजासत्ताक दिनाच्या शुभेच्छा!, पंतप्रधान नरेंद्र मोदींबद्दल म्हणाला…

• मुंबईत प्रजासत्ताक दिनाच्या कार्यक्रमाला मुख्यमंत्र्यांची हजेरी; केले शासकिय ध्वजारोहण

• “अक्कलशून्य सरकारने संपूर्ण लोकशाहीच पायदळी तुडविली”; सोमय्यांना नोटीस पाठवल्यामुळे फडणवीस संतापले
• “माफियाराजवर बोलत असाल तर…”; धनंजय मुंडेंचे पंकजांना आव्हान
• कॅप्टन विराट होता, पण सगळे धोनीचं ऐकायचे दिनेश कार्तिकनं केला गौप्यस्फोट!