नांदेड : राज्यातील महाविकास आघाडी सरकारमध्ये सार्वजनिक बांधकाम मंत्री असलेले अशोक चव्हाण यांना त्यांच्याच भोकर मतदारसंघात जबर धक्का बसला आहे. भोकर मतदारसंघातील बारडमध्ये 17 पैकी 16 जागांवर शिवसेनेने विजय मिळवून सर्वांनाच चकित केले आहे. शिवसेनेचा हा विजय अशोक चव्हाण यांना मोठा धक्का मानला जात आहे.
बारडमधील ग्रामपंचायत निवडणुकीमध्ये 17 जागांपैकी १६ ठिकाणी शिवसेनेने भगवा फडकावला आहे. या ठिकाणी सेना विरुद्ध काँग्रेस अशी थेट लढत होती. परंतु शिवसेनेने एकहाती विजय मिळवल्याचे सिद्ध झाले. दुसरीकडे, नायगाव मतदारसंघातून भाजप आमदार राजेश पवार यांचा त्यांच्या गावातून आलूवडगाव येथून पराभव झाल्याचे दिसून आले. आमदार पवार यांच्या 9 पैकी 3 उमेदवारांनाच विजय मिळवता आला आहे.
राज्यातील ग्रामपंचायत निवडणुकीत अनेक धक्कादायक निकाल हाती आले आहेत. त्यापैकी सर्वात धक्कादायक निकाल नांदेडचा मानला जात आहे. येथील ग्रामपंचायतींवर शिवसेनेचा विजय म्हणजे मंत्री अशोक चव्हाण यांच्या वर्चस्वाला मोठा धक्का असल्याचे मानले जात आहे.
महत्वाच्या बातम्या
- युपीत लव्ह जिहादचा तमाशा : नसिरुद्दीन शाह
- कोरोना महामारीमुळे मी पत्नीचं चुंबनही घेऊ शकलो नाही; फारुख अब्दुल्लांची व्यथा
- बॅटिंगदरम्यान ऑस्ट्रेलियाचे खेळाडू मला डिवचत होते, शार्दूल ठाकूर म्हणाला…
- राज ठाकरे म्हणाले ताकदीने लढा, पण मनसेचे इंजिन सुरूच झालं नाही
- ऑलिम्पिकवीर खाशाबा जाधव पुरस्काराने महाराष्ट्र केसरी बालारफि शेखचा गौरव
बातम्यांसाठी YouTube चॅनेल Subscribe करा
Subscribe Now
