नाशिक : महाराष्ट्र नवनिर्माण सेनेचे अध्यक्ष राज ठाकरे नाशिक दौऱ्यावर आहेत. या पार्श्वभूमीवर राजकीय घडामोडींना वेग आला आहे. भारतीय जनता पक्षाच्या नाशिक मधील बड्या नेत्यानं हॉटेलमध्ये जाऊन राज यांची भेट घेतली आहे. त्यामुळे राजकीय वर्तुळात चर्चांना उधाण आलं आहे.
राज ठाकरे शुक्रवारपासून नाशिक दौऱ्यावर आहेत. दौऱ्याच्या पहिल्या दिवशी त्यांनी पक्षाचे पदाधिकारी आणि कार्यकर्त्यांच्या भेटीगाठी घेतल्या. यानंतर शनिवारी सकाळी भाजपचे शहर अध्यक्ष गिरीश पालवे राज यांच्या भेटीसाठी पोहोचले. पालवे यांनी राज यांची भेट घेऊन त्यांच्यासोबत चर्चा केली. पालवे यांच्या भेटीमुळे नाशकात मनसे आणि भाजप एकत्र येणार का, अशा चर्चा सुरू झाल्या आहेत.
महापौरपदाच्या निवडणुकीमध्ये मनसेनं भाजपला मदत केली होती. त्यामुळे स्थायी समिती सभापती निवडणुकीतदेखील मनसे भाजपाला मदत करणार आहे का, अशी चर्चा राजकीय वर्तुळात सुरू झाली आहे. आगामी महापालिका निवडणुकीच्या पार्श्वभूमीवर नाशकात भाजप आणि मनसेची जवळीक वाढत असल्याचं चित्र पाहायला मिळत आहे. त्यामुळे महापालिका निवडणुकीत मनसे-भाजपची युती होणार का, याकडे सगळ्यांचं लक्ष लागलं आहे.
महत्वाच्या बातम्या
- स्वामी रामानंद तीर्थ मराठवाडा विद्यापीठातील लॉकडाउन ३१ मार्चपर्यंत
- पंकजा मुंडे मतदारसंघात सक्रिय; पक्षातील मरगळ दूर करण्याचा प्रयत्न
- राखी सावंतच्या आयुष्यवर जावेद अख्तर लिहिणार स्क्रिप्ट ; लवकरच येणार बायोपिक
- पूजा चव्हाण प्रकरणाला धक्कदायक वळण, अज्ञात युवतीने पूजाच्या बहिणीचा मोबाईल पळवला
- ‘तिच्या आई-वडिलांना विनाकारण त्रास होत आहे’ आयकर कारवाईनंतर तपासीच्या प्रियकराची प्रतिक्रिया
बातम्यांसाठी YouTube चॅनेल Subscribe करा
Subscribe Now
