‘बिडकीन ग्रामीण रूग्णालयास आवश्यक मनुष्यबळ उपलब्ध करून देणार’

🕒 1 min read

औरंगाबाद :  कोरोना विषाणू प्रसाराला आळा घालण्यासाठी बनवण्यात आलेली प्रतिबंधात्मक लस पात्र व्यक्तींना अधिकाधिक प्रमाणात देण्यात यावी. यासाठी आवश्यक असणारे मनुष्यबळ तत्काळ उपलब्ध करून देण्यात येईल, अशी ग्वाही जिल्हाधिकारी सुनिल चव्हाण यांनी बिडकीन ग्रामीण रूग्णालयाच्या पाहणी दरम्यान दिली.

यावेळी त्यांच्यासमवेत मुख्य कार्यकारी अधिकारी मंगेश गोंदवले उपस्थित होते. जिल्हाधिकारी चव्हाण म्हणाले, दररोज किमान 100 नागरिकांचे लसीकरण करण्यात यावे. ग्रामीण रुग्णालयाची नवी इमारत कोरोना रुग्णांसाठी राखीव ठेवावी. जुन्या इमारतीत कोविड व्यतिरिक्त रुग्ण आणि गरोदर महिलांवर उपचार करण्यात यावेत. त्याचबरोबर जुन्या इमारतीत सुरू असलेले लसीकरण स्वतंत्र् अशा वेगळ्या ठिकाणी करण्यात यावे, अशा सूचना येथील आरोग्य अधिकारी, कर्मचारी यांना दिल्या.

कोरोना विषाणूचा प्रसार थांबविण्यासाठी प्रत्येकाने जनजागृतीवर भर द्यावा. रूग्णांना चांगली सुविधा, सेवा द्यावी, असे आवाहनही यावेळी जिल्हाधिकारी चव्हाण यांनी आरोग्य कर्मचाऱ्यांना केले. शहराबरोबरच कोरानाचे रुग्ण ग्रामीण भागात देखील खुप मोठ्या प्रमाणात वाढत असल्याने जिल्हाधिकारी यांनी रविवारी बिडकीन येथील आरोग्य केंद्रासह पैठण तालुक्यातील सर्व रुग्णालयातील उपचारासाठी लागणारे साहित्य, वैद्यकीय अधिकारी, यंत्रणा कशी काम करते, काही कमतरता आहे का? या बाबतची पाहणी देखील चव्हाण यांनी यावेळी केली.

महत्त्वाच्या बातम्या

• लोकांचा जीव महत्त्वाचा की राजकारण हे भाजप नेत्यांना कळायलं हवं – नवाब मलिक
• कंपाउंडरच्या यशानंतर आता जयंत पाटलांचा चेहरे पाहून कोरोना सांगण्याचा नवा फॉर्म्युला- भाजप
• मोठी बातमी : लॉकडाऊनचा निर्णय घ्यावा लागल्यास सहकार्य करा; उद्धव ठाकरेंचा राज ठाकरेंना फोन
• निःशब्द भावनांना बच्चू कडू यांची साथ, राख झालेल्या संसाराला दिला मदतीचा हात
• ‘चंद्रकांत पाटील भित्रा माणूस, त्यांना पुण्यात महिलेच्या जागेवर उभं राहायला लागलं’