राष्ट्रवादी आणि शिवसेनेच्या आव्हानानंतरही बेळगावात भाजपाची मुसंडी

बेळगाव – पाच राज्यांमधील विधानसभा निवडणुकीच्या मतमोजणीसोबतच बेळगाव लोकसभा निवडणुकीची मतमोजणीही सुरू आहे. सुरुवातीच्या कलांमध्ये बेळगावमध्ये काँग्रेस, महाराष्ट्र एकीकरण समिती आणि भाजपाच्या उमेदवारांमध्ये अटीतटीची लढाई दिसत आहे.

बेळगाव लोकसभा पोटनिवडणुकीच्या निकालात भारतीय जनता पक्षाच्या उमेदवार मंगला अंगडी यांनी ११०२६ मतांनी आघाडी घेतली आहे. अंगडी यांना १०३७९६ मते मिळाली आहेत. काँग्रेसचे सतीश जारकीहोळी यांच्यावर अंगडी यांनी सुमारे ११०२६ मतांनी आघाडी घेतली आहे. काँग्रेसचे जारकीहोळी यांना ९४७७० मते मिळाली आहेत. महाराष्ट्र एकीकरण समितीचे शुभम शेळके मात्र तिसऱ्या क्रमांकावर फेकले गेले आहेत. त्यांना २६३७७ मते मिळाली आहेत.

महाराष्ट्र एकीकरण समितीसाठी शिवसेना ताकदीनिशी उतरली आहे, तर भाजपच्या प्रचारासाठीही दिग्गज नेत्यांची फौज मैदानात उतरली आहे. त्यामुळे या निवडणुकीला शिवसेना विरुद्ध भाजप असेही पाहिले जाते. याशिवाय काँग्रेसच्या सतीश जारकीहोळी यांच्यासह 10 जण निवडणुकीच्या रिंगणात उतरले आहेत. बेळगावसह कर्नाटकातील 15 पोटनिवडणुकांचे निकाल जाहीर होणार आहेत. या लढतीत कोण बाजी मारणार, याकडे सर्वांचं लक्ष लागलं आहे.

महत्त्वाच्या बातम्या    

• फडणवीसांबाबत आक्षेपार्ह विधान; व्हिडीओ व्हायरल झाल्यानंतर पाच जणांविरोधात तक्रार दाखल !
• निवडणूक निकालांपेक्षा लोकांचे जीव वाचणे महत्वाचे : कपिल सिब्बल
• दिलासा: आता प्राप्तिकर भरण्यासाठी ३१ मे पर्यंत मुदत
• ‘पुनावालांच्या आरोपांवर खरं-खोटं तपासण्याची गरज’, जितेंद्र आव्हाडांची मागणी
• औरंगाबादेत सर्व प्रतिबंधात्मक आदेशांना १५ मेपर्यंत मुदतवाढ, जिल्हाधिकाऱ्यांचे आदेश