औरंगाबादेत सर्व प्रतिबंधात्मक आदेशांना १५ मेपर्यंत मुदतवाढ, जिल्हाधिकाऱ्यांचे आदेश

औरंगाबाद :  जिल्ह्यात ब्रेक द चेनअंतर्गत देण्यात आलेल्या सर्व प्रतिबंधात्मक आदेश तसेच स्पष्टीकरणांना शनिवार (दि. १) सकाळी ७ वाजेपासून ते दिनांक १५ मे रोजी सकाळी ७ वाजेपर्यंत मुदतवाढ देण्यात आली आहे. या बाबत औरंगाबादचे जिल्हाधिकारी सुनील चव्हाण यांच्याकडून शनिवारी मुदतवाढ दिल्याचे आदेश दिले आहेत.

१६ एप्रिल रोजीच्या मूळ आदेशामधीलल सर्व बाबी कायम राहणार असल्याचे देखील या आदेशामध्ये देण्यात आले आहे. जिल्हाधिकारी कार्यालयामधून हा सुधारीत आदेश देण्यात आला आहे. या  आदेशातील नमूद सर्व बाबी  संपूर्ण शहरासह  जिल्हयासाठी लागू करण्यात आला आहे. दरम्यान मुस्लीम बांधवांचा रमजानचा पवित्र महिना लक्षात घेऊन दुध तसेच फळे विक्री संबधी दुकाने पहिल्या टप्प्यात सकाळी ७ ते ११ वाजेपर्यंत तसेच दुसऱ्या टप्प्यामध्ये सायंकाळी ५ ते ८ वाजेपर्यंत सुरु ठेवण्यास दिलेली विशेष परवानगी यापुढेही १३ मेपर्यंत अंमलात राहणार असल्याचा उल्लेख या आदेशात करण्यात आला आहे.

या आदेशाची कोणतीही व्यक्ती, संस्था किंवा संघटना यांनी अंमजबजावणी करण्यास टाळाटाळ केल्यास अथवा विरोध दर्शविल्यास संबंधीत आपत्ती व्यवस्थापन कायदा, तसेच साथरोग कायद्यानुसार कायदेशीर कार्यवाहीस पात्र राहणार असल्याचेही या वेळी जिल्हाधिकारी कार्यालयामार्फत कळवण्यात आले आहे.

महत्त्वाच्या बातम्या     

• ‘माझ्या कारकीर्दीत मी नेहमीच असा कारनामा करण्याचा प्रयत्न केला पण…’ सेहवाग कडून पृथ्वी शॉचं कौतुक
• ‘महाविकास आघाडीची शेतकऱ्यांच्या बांधावर बि – बियाणे योजना हवेत विरली’
• ‘बचपन के बिछडे आयपीएलमे मिले’ अनुष्का शर्मा आणि साक्षी धोनी होत्या ‘स्कूलमेट’
• एवढा बेजबाबदार पंतप्रधान जगात आतापर्यंत कुठेच झाला नाही-पटोले
• मोठी बातमी : भारतातून ‘या’ देशात गेल्यास 5 वर्षांचा कारावास