मुंबई: जून महिन्यात पाऊस कधीही पडू शकतो. त्यामुळे मुंबई महापालिकेने पाणी तुंबू नये यासाठी उपाययोजना करण्यास सुरुवात केली आहे. गेल्या दोन वर्षांत पाणी तुंबणारी 386 पैकी तब्बल 282 ठिकाणे कमी करण्यात पालिकेला यश मिळाले आहे. तसेच पावसाळ्यात साचणारे पाणी उपसण्यासाठी 477 उच्च क्षमतेचे पंप बसवण्यात येणार असल्याची माहिती अतिरिक्त आयुक्त पी. वेलरासू यांनी दिली आहे. मात्र यावरच भाजप नेते अतुल भातखळकर यांनी थेट ठाकरे सरकारवर निशाणा साधला.
“मुंबईतील पाणी तुंबणारी २८२ ठिकाणे घटली असून ३४ ठिकाणं एकाच वर्षात पूरमुक्त झाली आहेत म्हणे. अजून पावसाची एक सर आली नाही मात्र स्वतःची पाठ थोपटून घेणाऱ्या जाहिरातबाजीचा पूर आला आहे. पहिल्याच पावसात पूर का पूर और पानी का पानी होईल. मुंबईकरांचा आजपर्यंतचा अनुभव मात्र तुंबईचाच आहे.”, असा टोला अतुल भातखळकर यांनी लगावला आहे.
दरम्यान मुंबईत दरवर्षी पाणी साचल्याच्या घटना घडतात. यामुळे मुंबईकरांना प्रचंड त्रासही सहन करावा लागतो. मात्र यंदा मुंबईत नालेसफाईचे काम पूर्ण झाले असून पाणी तुंबणाऱ्या ठिकाणी पालिका उपाययोजना करत असल्याचे आयुक्त पी. वेलरासू यांनी म्हटले आहे.
महत्वाच्या बातम्या:
- “अजित पवारांचा फायनान्स विषय कच्चा…”, निलेश राणेंचा टोला
- “भाजपला काश्मिरी पंडितांचा आक्रोश दिसत नाही, हे दुर्दैव” ; संजय राऊतांची टीका
- दिव्या ढोले बदनामी प्रकरणात भाजप IT CELL चा हात?: दिपाली सय्यद यांचे मोठे वक्तव्य
- “खंडणी आणि दारूचा महसूल या विषयांची युनिव्हर्सिटी…”, अतुल भातखळकरांचा टोला
- बिहारमध्ये जातनिहाय जनगणना होणार?; मुख्यमंत्री नितीशकुमार म्हणाले…
