मुंबई : राष्ट्रवादी काँग्रेसचे अध्यक्ष शरद पवार यांचा आज 80 वा वाढदिवस आहे. या वाढदिवसाच्या निमित्ताने त्यांच्यावर देशभरातून शुभेच्छांचा वर्षाव होतोय. पवारांच्या वाढदिवसानिमित्ताने शिवसेनेचं मुखपत्र असलेल्या सामनातून विरोधकांवर निशाणा साधण्यात आला आहे.
‘पवार 80 वर्षांचे होत आहेत त्याचवेळी मोदींचे प्रचंड बहुमत असूनही लोकांच्या मनात अशांतता आहे. शेतकरी, कष्टकरी दिल्लीस वेढा घालून पंधरा दिवसांपासून बसला आहे. काँग्रेस पक्षाचे अस्तित्व कमजोर झाले आहे. लोकांना आकर्षित करील असे नेतृत्व आता उरलेले नाही. अशा वेळी महाराष्ट्रात भाजपचा उधळलेला घोडा रोखून शिवसेना, काँग्रेसबरोबर महाविकास आघाडीची स्थापना करणारे, त्या सरकारचे नेतृत्व एका समझदारीने उद्धव ठाकरे यांच्याकडे सोपविणारे शरद पवार देशातील मोठ्या वर्गास आकर्षित करीत आहेत. साताऱ्याच्या भरपावसातील सभेत विजेचा कडकडाट व्हावा तसे शरद पवार अवतरले.’ शिवसेनेनं असा पवारांवर कौतुकाचा वर्षाव करतानाच भाजपला टोला लगावला आहे.
यानंतर, भाजप आमदार अतुल भातखळकर यांनी शिवसेनेवर विखारी टीका केली आहे. ‘हो तर, पवार कधी शिवसेनेला तंगड वर करायला सांगतील आणि कधी कुठे भूकंप येईल याची काय शाश्वती?’ असा टोला त्यांनी लगावला आहे.
हो तर, पवार कधी शिवसेनेला तंगड वर करायला सांगतील आणि कधी कुठे भूकंप येईल याची काय शाश्वती?
दिल्लीला पवारांच्या कर्तृत्वाची भीती वाटते: शिवसेना – https://t.co/wfwnyRQua9
via @mataonline: https://t.co/2vRlVYW2vH— Atul Bhatkhalkar (@BhatkhalkarA) December 12, 2020
महत्वाच्या बातम्या
- ‘ईडीला पाकिस्तानी क्रेडिट कार्ड सापडलं हे हास्यास्पद!, अब्रू नुकसानीचा दावा ठोकणार’
- सामन्यांच्या खिशाला कात्री, पेट्रोल नव्वदीपार!
- ‘पवार म्हणजे महाराष्ट्राला वैचारिकदृष्ट्या ८०० वर्ष पुढे घेऊन गेलेलं महायुग’
- ‘आजही संकटात असलेल्यांना शरद पवारांमध्ये देवमाणूस दिसतो’
- डिसेंबरमध्येच लसीला परवानगी मिळेल, तर…; आदर पुनावालांनी केला मोठा खुलासा
