मुंबई : राज्याचे मदत व पुनर्वसन मंत्री विजय वडेट्टीवार यांनी काल लोणावळा येथील ओबीसी चिंतन बैठकीत शिवसेनेला अप्रत्यक्ष टोला लगावला. मंचावरील भाजप नेते चंद्रशेखर बावनकुळे यांनी एक वाघ नाना पटोले यांच्याकडे पाठवा असे सांगितले. त्यावर वाघ आमच्या इशाऱ्यावर चालतो, असे म्हणत त्यांनी शिवसेनेला अप्रत्यक्षपणे खोचक टोला लगावला होता.
यावरून महाविकास आघाडीतील वर्चस्ववादाचा मुद्दा पुन्हा समोर आला आहे. दरम्यान, वाघाच्या इशाऱ्यावर शिवसेनेने अद्याप प्रतिक्रिया दिली नाहीये. मात्र, भाजपने या मुद्द्यावरून शिवसेनेवर निशाणा साधणे सुरू केले आहे. आता भाजप आमदार अतुल भातखळकर यांनी खोचक टिप्पणी केलीये. ‘वाघ आमच्या इशाऱ्यावर सरपटतो, असंही चाललं असतं’ असा अप्रत्यक्ष टोला त्यांनी शिवसेनेला लगावला आहे.
काय म्हणाले होते वडेट्टीवार?
ओबीसी चिंतन बैठकीत विजय वडेट्टीवार यांनी मी अशा भागातील राहतो जेथे भरपूर वाघ आहेत. त्यामुळे मी माझ्या खात्यात पैसे आले तर परत जाऊ देणार नाही, असे म्हटले. यावर मंचावर बसलेल्या चंद्रशेखर बावनकुळे यांनी एक वाघ नाना पटोले यांच्याकडेही पाठवा असे सांगितले. त्यावर विजय वडेट्टीवार यांनी आम्ही वाघ पाठवू, पण तो वाघ आमच्याच इशाऱ्याने चालतो. कारण तो आमचा वाघ आहे, असे म्हणत अप्रत्यक्षरित्या शिवसेनेला टोला लगावला.
महत्वाच्या बातम्या
- ‘जनतेतील असंतोषाला घाबरून आघाडी सरकार तिसऱ्या लाटेची दहशत पसरवतंय’
- ‘लढवय्ये नेते फडणवीसांची गरज आहे, संन्यास घेऊ देणार नाही’, संजय राऊतांनी केले कौतूक
- माजी मंत्री शिवतारेंचे मुख्यमंत्र्यांना पत्र ; पुरंदरच्या कॉंग्रेस आमदारावर केला गंभीर आरोप
- महसूल मंत्री थोरात वडेट्टीवारांना म्हणाले, ‘मोठी संधी मिळेल, वाट पाहा!’
- देशात पहिल्यांदा ड्रोनने अतिरेकी हल्ला, जम्मू एअरबेसवर दोन बॉम्बस्फोट
