मुंबई: राज्यसभा निवडणुकीच्या पार्श्वभूमीवर मुंबईतील हॉटेल ट्रायडंटमध्ये महाविकास आघाडीची बैठक पार पडली. या बैठकीत मुख्यमंत्री उद्धव ठाकरे आणि राष्ट्रवादीचे अध्यक्ष शरद पवार यांनी आमदारांशी संवाद साधला. या बैठकीनंतर उद्धव ठाकरे यांनी बंगालमध्ये दिदींनी जसं भाजपला गाडल, ती वेळ महाराष्ट्रात आलीये असे म्हटले आहे. यावरच भाजप नेते अतुल भातखळकर यांनी टोला लगावला आहे.
“घरबसली पोपटपंची….गाडायचं कोणाला हे जनतेचं ठरलं आहे आणि हो, ममता बॅनर्जी कशाही असल्या तरी बहुमत घेऊन सत्तेवर आल्या आहेत. सोनियांच्या चरणी आणि पवारांच्या खांद्यावर बसून त्यांनी लाचारीने सत्ता मिळवलेली नाही.”, असा टोला अतुल भातखळकर यांनी लगावला आहे.
दरम्यान कोणी कितीही प्रयत्न केले, तरी महाविकास आघाडी भक्कम असून मविआचे चारही उमेदवार निवडून येतील. बंगालमध्ये ममता दीदींनी भाजपला जसं गाडलं, आता तीच वेळ महाराष्ट्रात आली आहे. राज्यसभेपाठोपाठ होणारी विधानपरिषदेची निवडणूकही आपण जिंकू, मतदानापूर्वी एकत्र राहा. मविआचे चारही उमेदवार निवडून आणा. असे आवाहन उद्धव ठाकरे यांनी केले आहे.
महत्वाच्या बातम्या:
- Rajya Sabha Election : “…त्यामुळे आमचा विजय आणखी सोपा होणार”, आशिष शेलार यांचे मोठे वक्तव्य
- भाजपकडून विधानपरिषदेचे उमेदवार जाहीर, चंद्रकांत पाटील म्हणाले…
- नयनतारा आणि विग्नेशचे लग्न होणार कडेकोट सुरक्षितेत! पाहुण्यांना दिला जाणार विशेष ‘कोड’
- तिकीट नाकारल्यानंतर पंकजा मुंडेंना दिल्लीतून पक्षश्रेष्ठींचा खास निरोप!
- “विरोधकांची तोंड गटार आहेत” ; संजय राऊतांचा घणाघात
