‘आसामही भारताचाच भाग आहे’, राघवच्या वक्तव्यावर क्रिकेटपटूने व्यक्त केला संताप

🕒 1 min read

मुंबई : टेलिव्हिजन रिअॅलिटी शो ‘डान्स दिवाने ३’ चा होस्ट राघव जुयाल याने सोशल मीडियाचे लक्ष वेधून घेतले आहे. शोमध्ये, जुयाल आसाममधील एका लहान मुलीला चिनी मुलगी म्हणून ओळख करून देताना दिसत आहे. याशिवाय राघव जुयाल याने मोमो आणि चाउमीनसारख्या चायनीज पदार्थांचाही उल्लेख केला.

आसाममधील या चिमुरडीची ज्या पद्धतीने जुयालने ओळख करून दिली त्यामुळे अनेकांनी संताप व्यक्त केला आहे. वास्तविक, या मुलीची ओळख करून देताना जुयाल म्हणला की, ‘ती लहान मुलगी, जिची चायनीज तुम्हाला समजत नसेल, पण तिचा डान्स सगळ्यांना कळतो…’

राघव जुयालच्या टीव्ही शोमध्ये अशा प्रकारच्या वांशिक वक्तव्यामुळे आसामचा क्रिकेटर रियान परागही संतापला आहे. रियान पराग राघव जुयालच्या टिप्पण्यांवर खूश नाही आणि या प्रकरणावर त्याने आपले मत व्यक्त ट्विटरवर व्यक्त केले आहे. राजस्थान रॉयल्सच्या क्रिकेटपटूने ट्विट केले की, ‘आसाम इतर राज्यांप्रमाणेच भारताचा भाग आहे. माझ्या मनात या माणसाबद्दल द्वेष नाही, पण ही तुलना थांबली पाहिजे. जय हिंद.’ असे म्हणत त्याने संताप व्यक्त केला आहे.

Assam is very much in India as any other state. No hate to this man but these comparisons need to stop. Jai Hind. Joi Axom. ???????? https://t.co/pbgZRp2kCb

— Riyan Paragg (@ParagRiyan) November 15, 2021

राघव जुयालच्या या वक्तव्यानंतर हे प्रकरण चांगलेच तापले आहे. त्याच्या या वक्तव्यावर सोशल मीडियावर जोरदार टीका होत आहे. या प्रकरणावर बरीच टीका झाल्यानंतर राघव जुयाल यानेही इन्स्टाग्रामवर स्पष्टीकरण दिले. जुयालने ज्याप्रकारे मुलीची ओळख करून दिली त्याबद्दल त्याने माफी मागितली आहे आणि आपला हेतू कोणालाही दुखावण्याचा नव्हता असे म्हटले आहे. प्रत्येक वेळी स्क्रिप्टवर जाणे आवडत नाही असे सांगून जुयाल म्हणाला की, क्षणात सर्वकाही करण्यावर माझा विश्वास आहे.

तो म्हणाला, ‘माझ्या परिचयाने तुम्हाला दुखावले असेल, तर मी माफी मागतो. हे करण्याचा माझा किंवा वाहिनीचा हेतू नव्हता. सहसा, स्क्रिप्टिंग शोमध्ये होते. मला पटकथेनुसार फार पुढे जायला आवडत नाही. मी क्षणात सर्वकाही करतो आणि ते कॅप्चर करतो आणि नंतर आनंद घेतो. तो पूर्ण प्रामाणिकपणाने येतो. माझा त्यावर विश्वास आहे.’

महत्वाच्या बातम्या:

• ‘धर्मयुद्ध बाजूला ठेवा, घटना मोठी आहे, असे सांगणारे बाळासाहेब होते’
• काही तरी द्या वाल्या लोकांची वेदना मी समजू शकतो; राऊतांचा फडणवीसांना टोला
• न्यूझीलंडविरुद्धच्या सीरिजसाठी टीम इंडियात मोठे बदल; ‘या’ खेळाडूंसह ‘हिटमॅन’ उतरणार मैदानात!
• ‘मोठ्या नेत्यांच्या सभेला परवानगी कशी काय मिळते? ते काय कोविड न होणारं जॅकेट घालून येतात का?’
• ‘विस्कळीत विचारांच्या अवाढव्य हिंदुत्वाला बाळासाहेबांनी वास्तूचे रूप दिले’