पुणे: सध्या सोशल मिडीयावर एक व्हिडिओ जाम व्हायरल होत आहे. भरधाव वेगाने जाणार्‍या मिनी बसचा चालक अचानक बेशुद्ध झाला.आणि बस अनियंत्रित झाली. मात्र ही परिस्थिती एका महिलेच्या प्रसंगावधानाने नियंत्रणात आली.
प्रवाशांमध्ये बसलेल्या एका महिलेने प्रसंगावधान बाळगत परिस्थिती नियंत्रणात आणली. पुण्यातील वाघोली येथील योगिता सातव(Yogita Satav) या ४२ वर्षीय महिला चालकाला बेशुद्ध पडलेले पाहून तात्काळ उठल्या आणि बसच्या स्टेअरिंगचा ताबा आपल्याकडे घेतला. यात आश्चर्य म्हणजे त्यांनी पहिल्यांदाच बसचे स्टेअरिंग हातात घेतले होते. मात्र त्यांच्या हिमतीने सर्व प्रवाशांचे प्राण वाचले. हाच व्हिडिओ सध्या समाज माध्यमावर प्रचंड व्हायरल होताना दिसत आहे.
योगिता सातव यांनी सुमारे २५किमी बस चालवत चालकाला रुग्णालयात पोहचवले. वाघोली येथील वीस जण मोराची चिंचोली येथे सहलीसाठी गेले असताना ७ जानेवारी रोजी ही घटना घडली होती. दुसऱ्या दिवशी सायंकाळी पाच वाजता प्रवाशी परत येत होते. अचानक बस चालकाने अस्वस्थतेची तक्रार केली. त्यानंतर ड्रायव्हरला चक्कर येऊ लागली, त्यामुळे त्याला काहीच दिसत नव्हते.अशा स्थितीत चालकाचे बसवरही नियंत्रण राहिले नाही. आणि मग यास्थितीत योगिता सातव यांनी बसचा ताबा आपल्या हातात घेतला.
महत्त्वाच्या बातम्या
- ‘नुसतं फुटबॉलचं स्टेडियम उभारून चालणार नाही तर…’; उद्धव ठाकरेंचे खेळाडूंना आवाहन
- मुख्यमंत्री चरणजीत सिंह चन्नी यांचे निवडणूक आयोगाला पत्र; केली ‘ही’ मागणी
- जयंत पाटलांनी थेट एलॉन मस्क यांनाच दिले आमंत्रण
- “जिंदगी झंड बा ,फिर भी घमंड बा”, नवाब मलिकांचा रवी किशन यांना टोला
- ‘तृणमूल कॉंग्रेस तर सत्तेवर आली आहे, आता फक्त…’; संजय राऊतांचा टोला
