“उत्तर भारतीयांची माफी मागा, अन्यथा अयोध्येत…”, भाजप खासदाराचा राज ठाकरेंना इशारा 

🕒 1 min read

उत्तर प्रदेश : भाजप खासदार ब्रिजभूषण शरण सिंह (BJP MP Brijbhushan Sharan Singh) यांनी मनसे अध्यक्ष राज ठाकरे (MNS president Raj Thackeray) यांना ट्वीट करत इशारा दिला. आहे. राज ठाकरे अयोध्या दौरा करणार आहेत. त्या पार्श्वभूमीवर ब्रिजभूषण शरण सिंह यांनी अयोध्येत येण्यापूर्वी हात जोडून उत्तर भारतीयांची माफी मागावी, असे म्हटले आहे.

“उत्तर भारतीयांचा अपमान करणाऱ्या राज ठाकरेंना अयोध्येच्या सीमेत घुसू देणार नाही. राज ठाकरेंनी अयोध्येत येण्यापूर्वी हात जोडून तमाम उत्तर भारतीयांची माफी मागावी.”, असे ट्वीट खासदार ब्रिजभूषण शरण सिंह यांनी केले आहे.

उत्तर भारतीयों को अपमानित करने वाले राज ठाकरे को अयोध्या की सीमा में घुसने नहीं दूंगा
अयोध्या आने से पहले सभी उत्तर भारतीयों से हाथ जोड़कर माफ़ी मांगे राज ठाकरे#MNS #RajThackeray #Ayodhya @ANI @ANINewsUP

— BrijBhushan Sharan Singh (Modi ka Parivar) (@b_bhushansharan) May 5, 2022

तसेच जोपर्यंत राज ठाकरे उत्तर भारतीयांची जाहीर माफी मागत नाहीत, माझी विनंती आहे तोपर्यंत मुख्यमंत्री योगीजींनी राज ठाकरेंना भेटू नये. राम मंदिर आंदोलनापासून मंदिर उभारणीपर्यंत राष्ट्रीय स्वयंसेवक संघ, विश्व हिंदू परिषद आणि सर्वसामान्यांची भूमिका सारखीच राहिली आहे. ठाकरे कुटुंबीयांचा त्याच्याशी काहीही संबंध नाही. असेही ब्रिजभूषण शरण सिंह यांनी म्हटले आहे. आता मनसेकडून यावर काय प्रतिक्रिया उमटेल, याकडे सर्वांचे लक्ष लागले आहे.

महत्वाच्या बातम्या: 

• IPL 2022 CSK vs RCB : आता काय सांगावं..! मॅन ऑफ द मॅच मिळूनही हर्षल पटेल नाखूश; म्हणाला, “आतापर्यंत मी…”
• Breaking News : जिग्नेश मेवाणी आणि रेश्मा पटेल यांना तीन महिन्यांचा तुरुंगवास; एक हजार रुपयांचा दंड
• “बाळासाहेबांची कॉपी करणं सोप्पं काम नाही,” ; आठवलेंनी राज ठाकरेंना डिवचलं
• “मी ब्राम्हणाला या राज्याचा मुख्यमंत्री झालेलं पाहू इच्छितो”- रावसाहेब दानवे
• IPL 2022 CSK vs RCB : “मी आता तुझ्यासोबत बॅटिंग करू शकत नाही…”, सर्वांसमोर मॅक्सवेलनं विराटला सुनावलं; पाहा VIDEO!