चिंता वाढली! दक्षिण अफ्रिकेतून परतलेली व्यक्ती पॉझिटिव्ह

चंदीगड: मागील दोन वर्षापासून संपूर्ण जगभरात हाहाकर माजवलेल्या कोरोना (Corona) व्हायसरमुळे अनेक लोकांनी आपला जीव गमावला. मात्र सध्या कोरोनाच्या या भयावह परिस्थितीनंतर आता कोठे सर्व पूर्वपदावर येत असताना आता पुन्हा एकदा जगापुढे एक नवं संकट उभं राहिलं आहे.

दक्षिण अफ्रिकेत (South Africa) आढळलेल्या ‘ओमिक्रॉन’ (Omicron) या विषाणूमुळे संपूर्ण जगाची चिंता वाढली आहे. ‘ओमिक्रॉन’ हा विषाणू जास्त वेगाने फैलावणारा असल्याने अनेक देशांनी धास्ती घेतली आहे. या विषाणूच्या प्रादुर्भावापासून देशाला वाचवण्यासाठी केंद्र सरकार आणि राज्य सरकार नियम लागू करताना दिसत आहेत.

मात्र आता देशातील ‘ओमिक्रॉन’ ची चिंता अधिकच वाढली आहे, कारण चंदीगडमध्ये दक्षिण आफ्रिकेतून परतलेल्या एका व्यक्तीची COVID-19 साठी सकारात्मक चाचणी झाली आहे. आफ्रिकेतून परतलेल्या एका व्यक्तीच्या कुटुंबातील एक सदस्य आणि आणखी एकजण पॉझिटिव्ह आले आहेत.

A South Africa returnee has tested positive for COVID-19 in Chandigarh. One of his family members & domestic help are also positive for the disease. The samples of positive cases will be sent for whole-genome sequencing to NCDC, Delhi to ascertain variant of coronavirus: Admin

— ANI (@ANI) November 29, 2021

कोरोना व्हायरसचा हा कोणता व्हेरियंट आहे, हे शोधण्यासाठी नमुने तपासणीसाठी पाठवले आहेत. त्यानुसार पुढील निर्णय घेतले जातील असे प्रशासनाकडून सांगण्यात आले आहे. त्यामुळे आता देशाची चिंता अधिकच वाढली आहे.

दरम्यान, नव्या विषाणुने पार्श्वभूमीवर राज्य सरकारकडून देखील नवे नियम जारी करण्यात आले आहे. नव्या नियमानुसार जर कोणी विनामास्क आढळले तर त्याच्याकडून ५०० रुपयांचा दंड आकारण्यात येत आहे. तसेच एखादा ग्राहक विनामास्क खरेदी करताना दिसल्यास संबंधित दुकानदाराकडून दहा हजारांचा दंड वसूल करण्यात येणार आहे.

महत्वाच्या बातम्या

• महापौर किशोरी पेडणेकरांनी मध्यरात्री अचानक मुंबई विमानतळाला भेट देत केली पाहणी
• १५ दिवसांमध्ये आफ्रिकेतून ४६६ प्रवासी मुंबईत दाखल; १०० प्रवाशांच्या होणार पुन्हा चाचण्या
• ‘…याचा मला पश्चात्ताप आहे’, अजित पवारांसोबतच्या ‘त्या’ शपथविधीविषयी फडणवीसांचे वक्तव्य
• ग्रामपंचायत, पंचायत समिती निवडणुकांसदर्भात मंत्रिमंडळाचा मोठा निर्णय
• पालकमंत्री सुभाष देसाईंचा निधी वाटपात अन्याय; काँग्रेस पदाधिकाऱ्यांची बाळासाहेब थोरातांकडे तक्रार!