मुंबई : शिवसेना नेमकी कोणाची या प्रकरणावर आज सुप्रीम कोर्टात सुनावणी झाली असून एकनाथ शिंदे गटाला दिलासा मिळाला आहे. निवडणूक आयोगाला सुनावणी घेण्याची परवानगी मिळाली असून पक्ष आणि चिन्हाचा निर्णय निवडणूक आयोग घेणार आहे. यावर शिवसेना नेता अनिल देसाई यांनी प्रतिक्रिया दिली आहे.
अनिल देसाई यांची प्रतिक्रियाः
यादरम्यान, आम्ही केंद्रीय निवडणूक आयोगाकडे पुरावे सादर करणार असून निवडणूक आयोगाची सगळी प्रक्रीया पुर्ण करू, असं अनिल देसाई म्हणाले आहेत. तसेच हा धक्का नाही तर प्रक्रीयेचा एक भाग असल्याचं देखील त्यांनी म्हटलं आहे.
निवडणूक आयोगाला देणार पुरावेः
आतापर्यंत आम्ही त्यांची प्रक्रीया पुर्ण करत आलो आहोत तरी निवडणूक आयोग सांगेल त्या पद्धतीने आम्ही पुरावे देऊ, अशी सहकार्याची भूमिका अनिल देसाईंनी दिली आहे. आम्हाला पुढच्या सुनावणीत नक्की न्याय मिळेल, असा विश्वास देखील त्यांनी व्यक्त केला आहे.
दरम्यान, एकनाथ शिंदे यांनी 40 आमदारांसोबत बंड करुन उद्धव ठाकरे यांना झटका दिला होता. त्यानंतर त्यांनी मुख्यमंत्री पदाची शपथ घेतली. एवढ्यावरच एकनाथ शिंदे शांत न राहता त्यांनी थेट पक्षावरचं म्हणजेच धनुष्यबाण चिन्हावर देखील दावा केला. त्यामुळे हा वाद कोर्टात गेला असून शिवसेना नेमकी कोणाची यावर सुनावणी सुरु आहे. आता याच्या निकालाकडे सर्वांचं लक्ष लागलं होतं.
महत्वाच्या बातम्या :
- Supriya Sule | “तुमच्यात मतभेद असतील तर तुम्ही दुसरं घर करा तुम्हालाही शुभेच्छा, मात्र…” शिंदे-ठाकरे लढाईत सुप्रिया सुळेंची उडी
- Shivsena । महाराष्ट्रातील सत्तासंघर्षाचा वाद पेटला! सुप्रीम कोर्टाचा उद्धव ठाकरेंना पहिला मोठा धक्का
- Sudhir Mungantiwar | वन कर्मचाऱ्यांना मिळणार पोलिस कर्मचाऱ्यांप्रमाणे लाभ – सुधीर मुनगंटीवार
- “तानाजी सावंत म्हणाले होते, महाराष्ट्राला भिकारी बनवेल पण…”, राहुल मोटेंनी केले अनेक खुलासे
- Uddhav Thackeray | उद्धव ठाकरेंना ‘ती’ एक चूक महागात पडणार? ; शिंदे गटाच्या वकिलांचा महत्वाचा युक्तिवाद!
