बारामती : राज्यात नवं सरकार स्थापन झाल्यापासून भाजप नेते जोमात कामाला लागल्याचं दिसून येतंय. भाजप प्रदेशाध्यक्ष चंद्रशेखर बावनकुळे (Chandrasekhar Bawankule) यांनी राज्यातील ग्रामीण भागात भाजपचं कमळ फुलवण्याचा निर्धार केलाय. त्याचबरोबर राष्ट्रवादीला शह देण्यासाठी वेगवेगळ्या योजना देखील भाजपकडून आखल्या जात आहेत. अशातच आता बारामतीतील महत्त्वाची मानली जाणारी माळेगाव नगरपंचायत भाजपच्या ताब्यात असावी, अशी महत्त्वकांक्षा भाजप नेते बाळगून आहेत.
चंद्रशेखर बावनकुळे काय म्हणाले…
माळेगाव नगरपंचायत भाजपच्या झेंड्याखाली आणायची आहे. त्यादृष्टीने येथील नेतेमंडळींसह कार्यकर्त्यांनी आतापासून कामाला लागले पाहिजे, असं बावनकुळे म्हणाले. ज्या दिवशी ही नगरपंचायत भाजपच्या ताब्यात येईल, त्याच दिवशी राज्याच्या तिजोरीतून पाच कोटींचा विकास निधी माळेगावला दिला जाईल, असं आश्वासन देखील बावनकुळे यांनी यावेळी दिलं.
नगरपंचायतीचा पंचवार्षिक निवडणूकीचा कार्यक्रम येत्या काही दिवसात जाहीर होण्याची शक्यता आहे. निवडणूक आयोगाच्या घोषणेची सर्वजण प्रतिक्षा करत आहेत. निवडणुकीच्या पार्श्वभूमीवर बावनकुळेंनी माळेगावात बुथ कमिटीतील कार्यकर्त्यांची विशेष बैठक घेतली. त्यावेळी त्यांनी ही ऑफर दिली.
देशात पंतप्रधान मोदीसाहेबांचे नेतृत्व सर्वमान्य झाले आहे. त्यात आता महराष्ट्रात देखील भाजपचं सरकार आलं आहे. यापुढील काळातील लोकसभा निवडणूक असो किंवा माळेगावसारख्या नगरपंचायती, महानगरपालिकांच्या निवडणूका आपल्याला जिंकायच्या आहेत, असं म्हणत कार्यकर्त्यांच्यात स्पुर्ती जागवण्याचा प्रयत्न बावनकुळे यांनी केला आहे.
महत्त्वाच्या बातम्या-
- Chandrashekhar Bawankule | मजबुत भारत बनविण्याच्या स्वप्नाला बारामतीकर नक्कीच साथ देतील – चंद्रशेखर बावनकुळे
- BJP-MANSE | भाजप मनसे युती होणार का? चंद्रशेखर बावनकुळे यांनी केलं स्पष्ट
- Sudhir Mungantiwar । …म्हणून शिवसेनेवर एकनाथ शिंदे यांचाच हक्क; मुनगंटीवारांनी सांगितलं नेमकं कारण
- Udayanraje Bhosale | उदयनराजे सातारकरांना सॉरी म्हणाले कारण…
- Devendra Fadnavis | आमच्या सोबत आहे ती खरी शिवसेना आहे – देवेंद्र फडणवीस
- Nilesh Lanke| बारामतीने देशाला विकासाची दिशा दाखवली – निलेश लंके
