मुंबई : दिग्दर्शक व लेखक हेमंत ढोमे यांच्या नव्या कोऱ्या ‘झिम्मा’ या मराठी चित्रपटाचा टिझर रिलीज झाला असून या टीझरचं सर्वत्र कौतुक होत आहे. विशेष म्हणजे अमिताभ बच्चन यांनी देखील झिम्मा चित्रपटाचा टीझर शेअर केला आहे. हा टीझर बघून बिग बींनाही तो शेअर करण्याचा मोह आवरला नाही.
अमिताभ बच्चन यांनी ‘सात बाई सात.बायका सात! जिवाची सफर.आता राणीच्या देशात!’ असे टि्वट केले होते. बिग-बी अमिताभ बच्चन यांनी टि्वट केल्याबद्दल सर्व कलाकारानी त्यांचे आभार व्यक्त केले. एवढच नाही तर , गायक मिका सिंगनेही ‘झिम्मा’ या चित्रपटाचा टिझर टि्वट केला आहे. मनसे नेते अमेय खोपकर हे या चित्रपटाचे निर्माते आहेत तर, हा चित्रपट येत्या २३ एप्रिल रोजी प्रदर्शीत होणार असल्याचे सांगण्यात आले आहे.
T 3836 – सात बाई सात…
बायका सात!
जिवाची सफर…
आता राणीच्या देशात!https://t.co/kaTOz1VGX9#Jhimma #23April #Intheatres #TeaserOutNow #AVK— Amitabh Bachchan (@SrBachchan) March 8, 2021
कोरोना काळात मनोरंजन क्षेत्राला सुद्धा ब्रेक लागला होता त्यानंतर आता पुन्हा एकदा नव्याने सुरुवात झाली आहे. अशातच लेखक व दिग्दर्शक हेमंत ढोमे यांनी आपल्या ‘झिम्मा’ या नव्या चित्रपटाची घोषणा केली आहे. मराठी चित्रपटसृष्टितील ‘झिम्मा’ या चित्रपटात निर्मीती सांवत, सायली संजीव, मृण्मयी गोडबोले, सुचित्रा बादेंकर, सोनाली कुलकर्णी, सिद्धार्थ चांदेकर, आणि क्षिती जोग सारखी दमदार कलाकार असणार आहेत. त्यामुळे अनेकजण या चित्रपटाची आतुरतेने वाट पाहता आहे.
महत्त्वाच्या बातम्या
- लॉकडाऊनमध्येही विद्यार्थ्यांसाठी बससेवा सुरूच
- बेलापूरचे व्यापारी गौतम हिरण यांच्या खुनाच्या प्रकरणाचा छडा न लागल्याने व्यापारी वर्गात असंतोष
- वर्धापन दिनी राज ठाकरेंचा कार्यकर्त्यांना ऑडिओच्या माध्यमातून संदेश
- स्केटिंग करताना पडल्यानंतर जेनेलियाने सांगितली ‘मेरी रिकव्हरी पावरी स्टोरी’
- लॉकडाऊनमुळे शिक्षणाचा बोजवारा, भविष्याच्या चिंतेने विद्यार्थ्याची आत्महत्या
