मुंबई : ऑस्ट्रेलियाची यष्टीरक्षक फलंदाज एलिसा हिलीने महिला विश्वचषकात इतिहास रचला आहे. न्यूझीलंडमध्ये खेळवण्यात येत असलेल्या या स्पर्धेच्या अंतिम सामन्यात हिलीने १३८ चेंडूत विक्रमी १७० धावा केल्या. प्रथम फलंदाजी करताना हिलीची शतकी खेळी आणि सलामीवीर रॅचेल हेन्सच्या ६८ धावांच्या जोरावर ऑस्ट्रेलियाने इंग्लंडसमोर ३५७ धावांचा डोंगर उभा केला. ऑस्ट्रेलियन संघ सातव्यांदा चॅम्पियन बनण्याच्या इराद्याने मैदानात उतरला आहे. एलिसा हिली एका विश्वचषका ५०० हून अधिक धावा करणारी पहिली महिला क्रिकेटपटू ठरली आहे.
याआधी न्यूझीलंडच्या डेबी हॉकलीने १९९७ मध्ये भारतात झालेल्या विश्वचषकात ४५६ धावा केल्या होत्या. मात्र, आता तिची तिसऱ्या क्रमांकावर घसरण झाली आहे. सध्याच्या विश्वचषकात हिलीने ५०९ धावा केल्या आहेत तर तिची सलामीची जोडीदार रेचेल हेन्सने ४९७ धावा केल्या आहेत. हिलीचे हे सलग दुसरे शतक आहे. यापूर्वी तिने वेस्ट इंडीजविरुद्धही शतक झळकावले होते.
हिलीने १०० चेंडूत आपले शतक पूर्ण केले. ४६व्या षटकातील तिसऱ्या चेंडूवर अन्या श्रबसोलच्या चेंडूवर जोन्सकडून ती यष्टीचीत झाली. या खेळीत तिने २६ चौकार मारले. विश्वचषकाच्या अंतिम सामन्यात १५० पेक्षा जास्त धावा करणारा हिली पहिला खेळाडू ठरली आहे. याशिवाय उपांत्य फेरी आणि अंतिम फेरीत शतक झळकावणारी ती पहिली फलंदाज ठरली आहे.
महत्त्वाच्या बातम्या –
- बॉलिवूड रॅपर बादशाह झालाय ‘या’ आजारचा शिकार
- “…तर राजकारण सोडून देईल”, जितेंद्र आव्हाडांचे राज ठाकरेंना जाहीर आव्हान
- IPL 2022 : आई गं..! मुंबईच्या तिलक वर्माचा सिक्स कॅमेरामनसाठी ठरला असता जीवघेणा; पाहा VIDEO!
- “राज ठाकरे दर पाच वर्षांनी आपला रंग बदलतात…” – जितेंद्र आव्हाड
- IPL 2022 : “मन दुखावलं गेलं…”, गुजरातविरुद्धचा पराभव पंतच्या लागला जिव्हारी; वाचा काय म्हणाला तो!
IPL 2022चं कव्हरेज…थेट स्टेडियममधून…फक्त महाराष्ट्र देशावर! क्रीडा विश्वातील ताज्या बातम्या वाचण्यासाठी लॉग इन करा www.MaharashtraDesha.com
