कुस्ती स्पर्धांना परवानगी द्या, कुस्तीपटूंना आर्थिक मदत देण्याची मागणी

शिवसेनेचे खासदार संजय जाधव यांच्या उपस्थितीत गुरुवारी जिल्हाधिकारी दीपक मुगळीकर यांना जगदंब प्रतिष्ठाणच्या वतीने एक निवेदन दिले. त्यात जिल्हयातील यात्रा, उत्सवातून आयोजित होणाऱ्या कुस्ती स्पर्धा थांबल्या आहेत. पैलवानांवर मोठे आर्थिक संकट कोसळले आहे. कोरोनाच्या संकटाने  वर्षभरापासुन कुस्ती मैदान तसेच कुस्तीच्या आयोजनावर बंदी घातली आहे. या मुळे पैलवान आर्थिक संकटात सापडले आहेत. खुराक आणि उदरनिवार्हासाठी खुप संघर्ष करावा लागत आहे. शासनाने यामध्ये लक्ष घालुन पैलवानांना आर्थिक मदत करावी, अशी मागणी या निवेदनाच्या माध्यमातून केली आहे.

जिल्ह्यातील विविध ग्रामदैवतांच्या यात्रेनिमित्त कुस्ती मैदानाचे आयोजन होत असते. या मैदानात कुस्ती खेळुन मिळणाऱ्या बक्षिसावर वर्षभर पैलवानांच्या खुराकाचा व इतर खर्चाची तजवीज करत असतात. गावोगावी यात्रा – जत्रा, महोत्सव हेच आजही पैलवानांच्या आर्थिक उत्पन्नाचे उत्पन्न मिळत नाही. पैलवान घडवण्यामध्ये लोकसहभाग, राजाश्रय महत्वाचा आहे. मात्र, कोरोनाच्या पार्श्वभमीवर वर्षभरापासुन कुस्ती मैदान भरवण्यास बंदी घालली आहे. परिणामी पैलवान आर्थिक संकटात सापडले आहेत. काहीजणांवर उपासमारीची वेळ आली आहे. शहरात काही मोजक्याच तालमी अस्तित्वात आहेत.

तेथेही सराव करणाऱ्या पैलवानांची संख्या मोजकीच आहे. पैलवान होणे आत्ता सोपे राहिलेले नाही. आज खुराकाचा खर्च आवाक्याच्या बाहेर गेला आहे. महागाई वाढल्याने अनेकांनी कुस्ती खेळणे बंद केले आहे, असेही निवेदनात म्हटले आहे. या निवेदनावर खासदारांसह जगदंब प्रतिष्ठाणच्या सदस्यांच्या स्वाक्षऱ्या आहेत.

• Breaking : कोरोनाच्या पार्श्वभूमीवर वैद्यकीय शिक्षण विभागाच्या परीक्षाही पुढे ढकलण्याचा निर्णय
• लातूर जिल्ह्यात खाजगी कोविड सेंटरमध्ये ऑक्सिजनचा तुटवडा
• ‘हा कुंभमेळा नाही तर करोना अ‍ॅटम बॉम्ब आहे’
• धोनीला दंड मग राजस्थान पंजाबला सुट का ; आकाश चोप्राचा सवाल
• सरकार कधी अन् कसं पडणार हे अजितदादांना माहिती आहे – चंद्रकांत पाटील