औरंगाबाद : शहरात कोरोनाचा संसर्ग पुन्हा वाढत असल्याने पालिकेची बंद केलेली कोविड केअर सेंटर्स पुन्हा सुरु झाली आहेत. यापैकी मनपाच्या किलेअर्क कोविड सेंटरमध्ये दारुच्या बाटल्या, चकना आणि सिगारेटची रिकामी पाकिटे, अस्वच्छता असल्याचे दिसून आले. याबद्दल आरोग्य अधिकाऱ्यांकडे तक्रार करताच १५ मिनिटात कारवाई होऊन सर्व कचरा हटवण्यात आला. कोरोना संसर्ग पुन्हा एकदा शहरात जोमाने पसरू लागला आहे. या पार्श्वभूमीवर ११ मार्च गुरुवारपासून शहरात अंशतः लॉकडाऊन लागू करण्यात आला आहे.
मागील वर्षभराचा अनुभव पाहता मनपा प्रशासन कोविड सेंटरवरील व्यवस्थापनाबद्दल काळजी घेईल असे सांगितले होते. मात्र मुळ परिस्थीती वेगळी आहे. किलेअर्क कोविड सेंटरमधील इमारत क्रं ३ मध्ये पहिल्या मजल्यावर दारु्या रिकाम्या बाटल्यांचा खच, सिगारेटची पाकिटे, चकना दिसून आला. तसेच संपूर्ण खोलीत पसरलेला कचरा, अस्वच्छता होती. याबाबत चार दिवसांपूर्वी भरती झालेल्या एका २२ वर्षीय रुग्णाने आपल्या पत्रकार मित्रांच्या मदतीने मनपाच्या आरोग्य अधिकारी डॉ. नीता पाडळकर यांना फोटो व व्हिडिओ पाठवत तक्रार केली. या तक्रारीची तत्काळ दखल घेत सदर खोल्या स्वच्छ करण्यात आल्या.
रुग्णांच्या प्रतिक्रिया
येथील एका रुग्णाने ‘महाराष्ट्र देशा’शी बोलतांना सांगितले, अधिकाऱ्यांशी बोलल्यानंतर येथील स्वच्छतेचा, पिण्याच्या पाण्याचा प्रश्न सोडवण्यात आला मात्र येथे जास्त लक्षणे असलेल्या आणि लक्षणविरहित कुठल्याही प्रकारचा त्रास नसलेल्या रुग्णांना एकत्रच ठेवले जात आहे. त्यामुळे मनात धाकधूक आणि भिती निर्माण झाली आहे. त्रास नसतांना या रुग्णांमुळे त्रास वाढू शकतो. तसेच गरम पाण्याची सोय नसल्याने सर्दीचा त्रास होत आहे. जेवणाची गुणवत्ताही तितकी चांगली नाही. अशी तक्रार या रुग्णाने केली.
महत्वाच्या बातम्या
- पार्सल घेतल्यानंतर ‘त्या’ महिलेने डिलीव्हरी बॉयसोबत केले ‘असे’ काही…पोलिसही चक्रावले
- मोठी बातमी : आज रात्री ८ वाजेपासून ‘या’ जिल्ह्यात संपूर्ण लॉकडाऊन
- पाहिली सोडली अन् दुसरी पळवली, चोरट्यांचा ‘असाही’ प्रताप
- मिताली राजने रचला विक्रम ; 10,000 धावा करणारी पहिली भारतीय महिला क्रिकेटपटू
- बँक ग्राहकांसाठी महत्त्वाची बातमी; बँकांचा सलग चार दिवस लॉकडाऊन…
