‘अजितदादा सामान्य जनतेसाठी उपलब्ध असतात, हे मी भाजपचा असून मान्य करतो’

मुंबई : बीड जिल्ह्याच्या दौऱ्यावर आलेले आज राज्याचे उपमुख्यमंत्री अजित पवार यांच्यासह राज्याचे आरोग्य मंत्री राजेश टोपे यांची जिल्हाधिकारी कार्यालयात तब्बल २ तास ३० मिनिटे बैठक झाली. ही बैठक संपल्यानंतर त्यांचा ताफा बाहेर निघाला असता कोविडच्या काळात काम करणाऱ्या कंत्राटी कर्मच्याऱ्यांना निवेदन घेऊन भेटू दिले नाही म्हणून या शेकडो कर्मचाऱ्यांनी अजित पवारांचा व राजेश टोपे याच्या गाडीचा ताफा अडवल्याने मोठा गोंधळ निर्माण झाल्याचं पहायला मिळालं आहे. दरम्यान, यावेळी पोलिसांनी कंत्राटी आरोग्य कर्मचाऱ्यांवर लाठीचार्ज देखील केला आहे.

यावरून भाजप नेत्या पंकजा मुंडे, आमदार सुरेश धस, भाजप नेते निलेश राणे यांच्यासह काही भाजप नेत्यांनी अजित पवारांवर टीकास्त्र सोडलं आहे. अशातच आता भाजपच्या एका नेत्याने मात्र अजित पवार यांच समर्थन केलं आहे. ‘अजित पवार हे सकाळी ७ वाजल्यापासून नागरिकांना भेट देत असतात. मात्र, आशा सेवकांनी अजित पवार यांचा ताफा अडवून निवेदन देणं अयोग्य आहे. अशा वेळी नेत्यांच्या सुरक्षेची जबाबदारी कोण घेणार काही बरेवाईट झाले तर?’ असा सवाल भाजप नेते अवधूत वाघ यांनी उपस्थित केला आहे.

‘आशा वर्कर्सनी अजित पवार यांचा ताफा अडवून निवेदन देण्याचा प्रयत्न व दादांनी ते न घेताच निघून जाणे अशा स्वरूपाचा व्हिडिओ व्हायरल होतोय. खरं तर ताफा अडवून निवेदन देणे हे अयोग्य.दुसरेही मार्ग आहेत. अशा वेळी नेत्यांच्या सुरक्षेची जबाबदारी कोण घेणार? काही बरेवाईट झाले तर? मी दादांना ओळखतो.’ असं वाघ म्हणाले.

मी दादांना ओळखतो. सकाळी ७ पासून ते लोकांना भेटतात. जे जे शक्य आहे त्याची त्वरित दखल घेतात. त्यांच्या कार्यालयात किंवा निवासस्थानी जाऊन निवेदन द्यायला कोणी अडवल आहे?
राजकीय विरोधक असले तरी अजितदादा सामान्य जनतेसाठी उपलब्ध असतात हे मी जरी भाजपा चा असलो तरी मान्य केलेच पाहिजे.

— Avadhut Wagh अवधूत सुशीला रमाकांत वाघ (@Avadhutwaghbjp) June 18, 2021

यासोबतच, ‘अजित पवार हे सकाळी ७ पासून ते लोकांना भेटतात. जे जे शक्य आहे त्याची त्वरित दखल घेतात. त्यांच्या कार्यालयात किंवा निवासस्थानी जाऊन निवेदन द्यायला कोणी अडवल आहे? राजकीय विरोधक असले तरी अजितदादा सामान्य जनतेसाठी उपलब्ध असतात हे मी जरी भाजपा चा असलो तरी मान्य केलेच पाहिजे,’ असं ट्विट अवधूत वाघ यांनी केलं आहे.

महत्वाच्या बातम्या

• ‘एसटी ही महाराष्ट्राची ओळख तिचे खासगीकरण होणार नाही’-अनिल परब
• भाजपत अंतर्गत कलह! पक्षातील नेत्याकडूनच तब्बल २१ हजार कोटींच्या घोटाळ्याचा आरोप
• पवारांच्या लेकीची ‘पॉवर’बाज कामगिरी! लोकसभेत सर्वाधिक प्रश्न विचारण्यात सुप्रिया सुळे अव्वल
• महत्त्वाचे! राष्ट्रीय स्तरावरील सरासरीपेक्षा तिप्पट प्रश्न विचारले महाराष्ट्रातील खासदारांनी
• पुण्यात आज ७ रुग्णांचा कोरोनाने मृत्यू तर ‘इतक्या’ नव्या रुग्णांची नोंद !