पुणे : उपमुख्यमंत्री अजित पवार आज बारामती दौऱ्यावर होते. येथील एका पेट्रोल पंपाच्या उद्घाटनाप्रसंगी बोलत असतांना पेट्रोल आणि डिझेलच्या दरवाढीमुळे पवारांनी पंतप्रधान नरेंद्र मोदींवर निशाणा साधत चांगलाच टोला लगावला आहे.
ते म्हणाले की,’आम्ही पंडित जवाहरलाल नेहरू यांच्यापासून उत्तम प्रकारे काम करणारे अनेक पंतप्रधान आपल्या देशाला मिळाल्याचे पाहिले. आता पंतप्रधान पदावर मोदीसाहेब आहेत. त्यांनी अलीकडे कोणाचाही पेट्रोल पंप असला तरी तेथे त्यांचा फोटो लावायचाच असा नियम केला आहे. त्यामुळे आम्ही गमतीने असे म्हणतो की, पेट्रोल १०० च्या पुढे गेले. पेट्रोल भरताना तुम्ही त्यांच्याकडे बघायचे, मग ते म्हणतात कशी तुझी जिरवली घाल आता १०० रुपयाचे पेट्रोल’ असे म्हणत त्यांनी मोदींवर खोचक टोलेबाजी केली.
दरम्यान, पुणे आणि सोलापूर ग्रामीण पोलिसांच्या ‘सीएमआयएस’ या वेबसाईट आणि अॅपचे उदघाटनही पवारांच्या हस्ते झाले. यावेळी बोलत असतांना अजित पवार यांनी पोलिसांनी तणावमुक्त राहून काम करण्याचा सल्ला दिला. तसेच कायदा आणि सुव्यवस्था राखण्यामध्ये कसलीही तडजोड करु नका, अशी सूचनाही दिली.
महत्त्वाच्या बातम्या
- आता महाविद्यालये देखील सुरु होणार; उदय सामंत यांनी दिली माहिती
- बहुजन समाजातील मुलांनी यांच्या सतरंज्याच उचल्याव्यात ही मानसिकता या सरकारची आहे – पडळकर
- ‘खुद तो डूबे हैं सनम, तुमको भी ले डूबेंगे’; सनरायझर्स हैदराबाद समोर टिकणार का पंजाब किंग्स?
- ‘वाटलं सगळं संपलं, पण मी त्या मरणाच्या दारातून परतलो’; भुजबळांनी सांगितली भावुक आठवण
- मी नरेंद्रजींना म्हणालो, आपल्यावर नक्की गुन्हा दाखल होईल; फडणवीसांचे मिश्किल विधान
बातम्यांसाठी YouTube चॅनेल Subscribe करा
Subscribe Now
