Ajit Pawar | मुंबई : राष्ट्रवादी (NCP) नेते अजित पवार (Ajit Pawar) गेल्या अनेक दिवसांपासून शांत होते. त्यामुळे राजकीय चर्चांना उधाण आलं होतं. अशातच अजित पवार यांनी आज अनेक विषयांवर भाष्य केलं आहे. याचवेळी त्यांनी शिर्डीच्या सभेला उपस्थिती न लावल्याचं स्पष्टीकरण दिलं आहे.
यावेळी, मी चार आणि पाच तारखेला रात्री उशिरा इकडून बाहेरगावी गेलो होतो. परदेशात आणि 10 तारखेला रात्री उशिरा परत आलो अकराला मी दिवसभर आपल्या मावळमध्ये होतो. 12 तारखेला मी माझ्या माहितीप्रमाणे नगर जिल्ह्यात होतो. शिरूर लोकं मला भेटली आणि आज मी बारामतीमध्ये आहे. मी त्यावेळेस मला काय बोलायचं ते त्या ठिकाणी बोललो, नाराजी वगैरे काहीही नाही, असं स्पष्टीकरण अजित पवारांनी दिलं आहे.
राष्ट्रवादी सर्वेसर्वा शरद पवार तब्येत ठीक नसताना सुद्धा सभेला गेले. मात्र, लक्ष वेधलं ते अजित पवार यांच्या अनुपस्थितीने. त्यामुळे पवार नाराज असल्याच्या चर्चा रंगल्या होत्या. त्यावर अजित पवार यांनी स्पष्टीकरण दिलं आहे.
तसेच, कोण काय बोलतं? कोण कोणाबरोबर जातं? कोण काय करतं? हे सर्व महाराष्ट्रातील जनता बघत असते. काही राजकीय पक्षाचे नेते जाणीवपूर्वक काहीना काही वक्तव्य करत आहेत आणि त्यातून राजकीय वातावरण गढूळ करण्याचा प्रयत्न सुरू आहे. ही आपल्या महाराष्ट्राची संस्कृती नाही. ही आपली परंपरा नाही. अशा गोष्टी महाराष्ट्रात घडता कामा नये. कोणत्याच पक्षाच्या नेत्यांकडून आणि कार्यकर्त्यांकडून अशी विधाने व्हायला नको, असं अजित पवार यांनी म्हटलं आहे.
महत्वाच्या बातम्या :
- Amol Kirtikar | वडीलांची घरी समजूत काढलेली का?, अमोल कीर्तीकर म्हणाले…
- Supriya Sule | “राष्ट्रवादी काँग्रेसवर आरोप केल्याशिवाय…”; सुप्रिया सुळेंचा गजानन किर्तीकरांवर निशाणा
- Ajit Pawar | अखेर अजित पवार बोललेच! अब्दुल सत्तारांच्या सुळेंबाबतच्या ‘त्या’ वक्तव्यावर पवार म्हणाले…
- Har Har Mahadev | हर हर महादेव चित्रपटाचे दिग्दर्शक आणि निर्मात्याला नोटीस, वाद पेटणार
- Sanjay Raut | “फुटीरांच्या प्रत्येक गटात एक शिंदे कायम असतो”; संजय राऊतांचा जोरदार हल्लाबोल
